شوفي المستر ( المدرس ) اللي انتي بتعتبريه زي باباكي بيعمل ايه؟؟!!!

السلام عليكم ورحمة الله وبركاته

ازيكم يازهرات يارب تكونوا بخير ان شاء الله ندخل في الموضوع على طول

انا بجد الحكاية دى كانت بتضايقني اوي
انا رايحة اولى ثانوي وبجد المدرسين خصوصا الرجالة يعني هتلاقيهم من اول اولى اعدادي كدة طيبين اوي معاكي وفيه اللي رخمين بردو
بصوا بجد انا كل مستر في المدرسة كنت ببقى شايفاه زي بابا بالضبط انما للاسف مش كل المدرسين شايفينا زي بناتهم مع ان كلهم بيقولولك انتي زي بنتي كدة صح؟؟!!!
طب انتي عمرك تصورتي انك تبقى ماشية في المدرسة براحتك وعادي يعني ان في مدرس ممكن يبص عليكي كدة يعني اكيد فاهمني
انا والله مش قصدي حاجة انا بابا وماما كانوا بيقولولي كدة ماكنتش مصدقاهم غير لما شوفت بعنيا
يعني لما مدرس يعد يحط ايده عليكي وعلي كتفك ويعد يمسك ايدك جامد وهو بيسلم عليكي ويقولك انه بيهزر
ولما مدرس يقول لبنت انتي ادورتي واحلويتي اوي وكبرتي اهو تسميه ايه؟؟
والله الحاجات دي كانت بتحصل وربنا يستر ايه اللي هيحصل تاني
يعني مثلا مدرس يحط ايده على خد بنت ويعد يحسس على خدها دة غير حاجات تانية بجد ماينفعش اني اقولها كدة

انا بجد عملت الموضوع دة عشان بس تخلوا بالكوا يازهرات مش اي حد يقولك انتي زي بنتي او اختي الصغيرة يبقى فعلا صادق
في ناس بيبقوا نفوسهم ضعيفة وربنا يستر على بنات المسلمين اجمعين يارب ويارب الموضوع يكون عاجبكوا

في امان الله

منقول

كتبته طالبه منقوله للصف الاول الثانوي

جزاكى الله خيرا

افتينا كتير

وبارك الله فيكى

عجبني ردك أووووووووي يا مسلمه

اقتباس :

اوعى تتعاملى مع اى راجل انه ابوكى او اخوكى
الراجل دايما راجل

تسلمي والله يا مسلمه

وجزاكِ الله خيرا يا مروج الذهب على الموضوع المهم

موضوع مهم جدا وفى غاية الخطورة
تسلمى
مديرتنا الغاليه
على طرح هذا الموضوع
ويا ريب احفظنا واحفظ بنات المسلمين
وانا رايى زى الاخت مسلمة
اوعى حبيبتى تأمنى اى رااااااااجل
شاب او عجوز
ملتزم او غير ملتزم
كلهم رجاله
وربنا يحفظنا جميعا

فعلا عندك حق مروج
بتحصل كتير وللأسف بيتخدعوا كثير من البنات
لازم تخلوا بالكوا حبيباتى
جزاك الله خيرا مروج

كلام خطير جدا

لازم كل البنات في السن الحرج دا

تاخد بالها منه

شكرا لك مديرتنا الغاليه علي هذا الموضوع الرائع