دعوة للحوار

اخواتى المبدعات
عايزين نعمل حوار نناقش فيه الاحوال اللى بتحصل فى مصر اليومين دول
قصى بالتحديد الفتنه الطائفيه اللى كل ما تخمد
يولعوها تانى
فى الاول كنيسة اطفيح
والموضوع عدى بسلام واتلم
بعد كده جه موضوع كاميليا شحاته
وخلاص الموضوع كان هيخلص
قام على طول ما ضيعوش وقت
وحصلت احداث امبابه
اللى لغايه دلوقتى مات فيها
19 واصيب 190 شخص
وكل ده سببه واحد مسلم تجوز مسيحيه
طيب يا جماعه ما طول عمر كده بيحصل
ليه دلوقتى الفتنه دى
قصدهم ايه يعنى
تعالو بينا تحاور

بالادله المتسبب الاول فى الفتنة الطائفية ؟

لم يعد خافيا على احد ان الفتنة الطائفية بين المسلمين والاقباط من اكبر عوامل هدم انجازات الثورة ، ولتعطيل انتباه الناس عن الامور الحيويه وشغلهم بالتناحر والخلافات .

ومن تسلسل الاحداث والمواقف نؤكد ان الموساد الاسرائيلى هو الفاعل الحقيقى وراء هذه الجرائم ، ولعل توقيت ظهور جرائم الفتن الطائفية يدل على خبث الموساد ، حيث ظهرت الفتن الطائفيه بعد المطالبات الشعبيه بايقاف تصدير الغاز المصرى لاسرائيل ، وكذلك بعد قرار فتح معبر رفح بشكل دائم ، وكذلك بعد توقيع اتفاق المصالحة الاخويه بين حماس وفتح ، لذلك شعرت اسرائيل بخطر حقيقى من مصر الثورة ، ففجاءه لم تعد مصر كنز استراتيجى لامن اسرائيل مثلما كانت قبل الثورة فى عهد الفرعون اهلكه الله ومن معه ، واذا تذكرتم تفاصيل ماذكره الجاسوس الاخير فيما اعترف به من تخطيط اسرائيل الدائم لضرب استقرار مصر وجعلها كره من الجحيم .

لذلك فاسرائيل تعمل جاهده على ضرب استقرار مصر بكل الوسائل ، ومن اخطرها اشعال الفتن الطائفيه بين المسلمين والاقباط لتتحول مصر الى غابه للتصارع والتناحر والتخريب ، وثم يكون الجو لاسرائيل مناسبا لتفعل مايحلو لها .

والان الكثيرين يتسألون اذن ممن كان السبب فى احداث الفتنة ايام مبارك ؟؟؟
الاجابة من اوراق وتقارير ماكان يعرف بامن الدولة المنحل ، حيث اكدت الوثائق تورط نظام مبارك فى احداث فتن طائفيه بعد انتخابات مجلس الشعب المزوره وذلك لاشغال الرأى العام بعيدا عما حدث من تزوير فاضح .

لذلك لابد لنا نحن الثوار واصحاب مصر ان نحذر من هذه المهالك ونضرب بيد من حديد على الخارجين عن القانون الذين يقومون باشعال النار واحداث المظاهرات بدعوى حماية الاقباط وطلب الحماية الدولية وما حدش يقول ان دى اوهام

سلمت يداكى على الكلمات الجميله دى يا ام عبدالله
حقا يا ريت
كل الناس توصلها الكلمات دى

لا يمكن ان تتخيلو اخواتى واكيد انتو شايفين كم البلطجه
والرعب اللى احنا فيه
دلوقتى سرقة العربيات علنى
سمعتوة اكيد عن الطفله حلا حسن
عمرها سنه ونص من المقطم
ماماتها بتحكى انها هى وبنتها وابنها تقريبا 3 سنوات
وزوجها
كانو ماشين بالعربيه وبعدين
زوجها نزل يشترى حاجه من السوبر ماركت
قام نط بلطجى فى العربيه وشغل العربيه ومشى بيها
الام فى الاول افتكرت ان ده زوجها
فين فاقت من الصدمه
لقت انها مخطوفه هى وولادها
وبعدين حاولت
فتحت الباب وشدت العيال ونزلت
بس هم شدو منها بنتها حلا
بس الحمد لله الشرطه قبضت على البلطجيه ورجعت البنت والعربيه
هاحكى لكم تانى بعدين
حاجات تانيه برضه فى سرقة العربيات
الى لقاء
ان شاء الله

اولا ترجعينا بالسلامة
يا ام عبدالله
هتنورى مصر كلها يا قمر


وربنا يصلح الاحوال فى مصر
ان شاء الله الامور تستقر
والمجلس العسكرىياخد موقف