تعالو نجمل أخلاقنا

يا قمرات يا حلوين انا جبت لكم النهارده موضوع جميل بس اوعو حد مش يقراه بتركيز
الموضوع حلو وبالله عليكم
اقروه للاخر كلمه كلمة
وتردوا تقولو راكم ايه
بع ما تقروه
اتركي تصرفاتك تتحدث للآخرين، وتثبت أنك
فعلاً تتصرفين من منطلق الاقتناع
، ومن ثم ستشعرين بالعفوية والطبيعية في
تصرفاتك،
فقد قال أحد السلف: أسكتتني كلمةعبد الله بن مسعود عشرين سنة حيث
يقول: ((من كان كلامه لا يوافق فعله، فإنما يوبخ نفسه..))
مما يجذب من حولك لك
أكثر فأكثر..
وكل هذا لك أنت فقط.
. لترتقي نحو الأفضل..



- بسمة

البسمة عنوان الرقة والذوق السليم، فاجعليها ملازمة لك، ابتسمي عند المصافحة
للقاء والوداع وابتسمي عند الاستئذان وعند السؤال عن شيء وعند تقديم الشكر.

- اليد الندية

لا تترددي في عون كل من يلتجئ لك ولو بالكلمة الحسنة والوجه البشوش وحسن
المشورة، فالإحسان هو أن تصوني وجه من سألتك من المذلة،
يقول ابن عباس رضي الله عنه :
لا يتم المعروف إلا بثلاث، تعجيله، وتصغيره، وستره، فإنه إذا
عجله هنأهُ وإذا صغره عظمه، وإذا ستره تممه

- افتخار

لا تفاخري بجمالك ولا بمالك ولا بأصلك الطيب، فلست أنت صانعة شيء من هذا، وخير
لك أن يتحدث الناس عنك من أن تتحدثي أنت عنها فيقال إنك حديثة نعمة أو
مغرورة.
يقول عمر بن الخطاب رضي الله عنه: ((ما وجد أحدٌ في نفسه كبراً، إلا من مهانة
يجدها في نفسه))

- آلامك

إذا كنت تشعرين بألم لأي سبب اعملي في صمت على إزالة أسبابه ولا تقضي طوال
الوقت في الشكوى منه وشرح أطواره فإن لكل إنسان متاعبه وآلامه التي لا تسمح له
بالاهتمام بالآم الآخرين.

- شهادة

لا تفتخري بما تحملينه من شهادات فليست الشهادة دائماً دليلاً على الثقافة
الواسعة... لكن الدليل عليها كلامك وسلوكك.

- ثمن

إذا اشتريت هدية فانزعي البطاقة التي عليها الثمن قبل أن تهديها لأحد.

- العيوب

إذا جلست في مجلس فيه سمينه.. لا تتكلمي عن الرشاقة ولا عن متاعب السمنة ولا
عن قبح الكرش حتى لا تظن أنك تقصدينها، وطبقي هذا الأمر على سائر العيوب التي
قد ترينها أمامك.

- ذوق





لا تطرقعي أصابعك بين الناس ولا تبللي أصابعك بلعابك عندما تريدين تقليب صفحات
المجلة أو الكتاب إن هذا يتنافى مع الجمال والذوق

- مساعدة

إذا دعتك صديقة لتناول الطعام عندها ورأيت أنها مشغولة في إعداد الأكل فلا
تذهبي إليها في المطبخ وتقحمي نفسك في عملها بدعوى مساعدتها.. إن هذا العمل قد
يسبب لها ارتباكاً مع أنك ترغبين مساعدتها ومن الناس من يتضايق من اطلاعك على
طريقة عمله وكذا صديقتك قد تتضايق من اطلاعك على طبخها رغم سعادتها بزيارتك.

- المسنون

عندما يدخل المجلس أحد كبار السن علينا أن ننهض لاستقباله والحفاوة به وأن
نجلسه في أفضل مكان.. وإذا أبدى المسن رأياً يخالف رأيك فتقبلي هذا الرأي بصدر
رحب ولا تتبرمي.

- آداب

يجب النظر في وجه الشخص الذي يتحدث إليك حتى يحس باهتمامك فالانشغال بتقليب
جوالك أو النظر يمنة ويسرة يوحي بقلة ذوقك.

- الصوت

خير الأمور الوسط، حتى في الحديث.. فلا يكن صوتك عالياً مزعجاً.. ولا هادئاً
لا يسمع.. وليكن واضحاً سلساً مفهوماً..

- المقاطعة

عدم مقاطعة من لا يزال يتكلم فهذه عادة سيئة جداً جداً.
إلا إن كان الموضوع خطيراً وهاماً ويستدعي المقاطعة

- السمو

يقول طاغور: ((ندنو من العظمة بقدر ما ندنو من التواضع))
اطلبي دائماً العلو، السمو.. والعلو شيء والتعالي شيء آخر.. الأول حقيقة
والآخر خيال... وما أجمل العلو إذا صاحبه التواضع.

ايه ريك
مش قلت لكم
موضوع جميل لازم تقروه







منقول

موضوع رائع وجميل
انا استفد منه كتيرررررررر
وجزاكى الله خيرا

إيه يا مسلمة الجمال والرقة والذوق ده كله

نفسي ألاقي صاحبة يكون فيها كل المواصفات دي

ياااااااااااااااه ده حلم تسلم إيدك على الموضوع اللي بينقط ذوق ورقة وأدب وجمال وكل حاجه حلوه


الكلام كله روووووووووووووعه

بس حبيت أعلق على نقطتين

اقتباس :

-

آلامك

إذا كنت تشعرين بألم لأي سبب اعملي في صمت على إزالة أسبابه ولا تقضي طوال
الوقت في الشكوى منه وشرح أطواره فإن لكل إنسان متاعبه وآلامه التي لا تسمح له
بالاهتمام بالآم الآخرين.

الكلام ده صحيح 100%

مع ان البعض يقول لك فضفضي

بس انا شايفه ان ده هو الصح

خاصه في الزمن اللي احنا فيه ده

كل واحد عنده اللي مكفيه وزياده

اقتباس :

مساعدة

إذا دعتك صديقة لتناول الطعام عندها ورأيت أنها مشغولة في إعداد الأكل فلا
تذهبي إليها في المطبخ وتقحمي نفسك في عملها بدعوى مساعدتها.. إن هذا العمل قد
يسبب لها ارتباكاً مع أنك ترغبين مساعدتها ومن الناس من يتضايق من اطلاعك على
طريقة عمله وكذا صديقتك قد تتضايق من اطلاعك على طبخها رغم سعادتها بزيارتك

.

ودي كمان ايه التحليل الروعه ده ؟؟؟

بصي يا مسلمة مره وحده زارتني كانت أول مره تيجي عندي

عارفه اول ما دخلت البيت عملت إيه ؟؟؟

توجهت مباشرة للمطبخ




و





















كشفت الحلة

مع انها ما كنتش عزومه ولا حاجه كانت جيه زياره عاديه

بصراحه انا بقيت عامله كده من هول المفاجأة

وبعدين لما فقت من الصدمة بقيت عامله كده

أصل بصراحه أول مره أشوف كده

ودي كانت آخر مره جت فيها عندي

وانا طبعا ما رحتش عندها خالص




وعلى فكره الحمد لله هي مش مصريه

انرتى الموضوع
يا نجمة المنتدى
شكرا لمرورك

غاليتى
ام عبدالله
شكرا لمرورك العطر
وكلماتك الرقيقه
وانتى فعلا ابرزتى نقط مهمه جدا فى الموضوع
اما بالنسبه للاخت اللى زارتك
احمدى ربنا انها كانت اخر زياره
انا عارفه فيه ناس بتبقى جريئه اوى
انا هقولك موقف
شبيه بالموقف بتاعك
مرة واحدة جت تزورنى وكنت بافرجها على الشقه
قامت وهى بتتفرج فاتحه الفريزر
وقعدت تفتش فيه
وانا واقفه
مش متخيله ايه اللى بيحصل

ههههههههههههههههه

الفريزر حته وحده

طيب ده انا أهون بقى



على اساس اني صبرت نفسي ... وقلت يمكن بتشوف الأكل المصري شكله إيه ؟

لكن بردو هي لو عايزه تعرف كانت سألتني

وأنا كنت هافرجها وأدوقها كمان

علشان أوريها شطارة المصريات ههههههههههههه

لكن استغربت من الجرأه



وبعد كده اكتشفت انهم بيفتشوا في كل حاجه

وإن ده طبع عندهم

يعني مثلا وحده مسكت موبايلي قلبته حته حته

وأنا كان هايجيلي الضغط

وطول ما هي بتفتش وانا عماله مخي يفر لوره

أفكر يا ترى عليه صور إيه .؟؟؟

ما هو موبايلي بقى واخده راحتي فيه

وما عملتش حساب ليوم زي كده



وقال انا صاحبة الحق مكسوفه أقولها ده مش من حقك



هنقلب الموضوع رغي

ما تيجي نفتح موضوع في فضفضه نرغي فيه براحتنا

بدل ما الاداره تقول لنا بطلوا رغي هنا

بس مش الليله دي

أصل عندنا دلوقتي الساعة 2 ونص

السلام عليكم

عندك حق يا ام عبدالله
افتحى انتى الموضوع
حتى تعالى نسميه
رغى فى رغى
ونرغى براحتنا

مشكووووووووووووره يامسلمه

موضوعك أفادنا كتيير
ولكن أنا ماأقدر أنظر في عيون اللي بكلمه ولونظرت ولقيته بيبصلي اتكسف أوي وأحس إن لو الارض انشقت وبلعتني أهون كنت بحاول أقاوم وأبص للى بيكلمني ولكن ماأقدر خاصه لو هيه أبله أو أحد أكبر مني بكتير

وحاجه تانيه بعاني منها صوتي واااااااااااااطي وكل الناس بيعانو مني بسبب كده ولكن بقولو لي حلو الحياء ده

علي فكره حكاية الوحده اللي فتحت الفريزر دي حصلت معايه والتلاجه كمان

وفي وحده تانيه زارتني أول لما دخلت قالت فرجيني على الشقه

وفي واحد حب يتفادى موضوع الموبايل كتب على الشاشه ارجع الجهاز ياملقوف
فواحد أخد الموبايل من أمامه وصاحب الموبايل فضل يضحك واللي أخذ الموبايل استشاط غضب ورجع الجهاز هههههههه

ربنا يبارك فيك يامسلمه شكل أخلاقك عاليه أوي وفاهمه قواعد الايتيكيت

رووووعه موضوع الرقى والاناقه والشياكه والذوق كلهعم فيه ياريت فعلا نكون كلنا كده

موضوع تانى افردته للصاحبه الحشريه

تابعيه انتى وام عبدالله نكمل هناك فى فضفة الأخوات

غاليتى محبة الرحمن
نورتى المندى يا قمر
واسعدتينى باخلاقك
وزى ما قلتى ان الناس اللى بتفهم بتعرف ان ده حياء
ولكن انصحك بالا يكون هذا منهجك على طول
مثلا لو فى امتحان او فى مقابله مهمه
لانه الصوت الواطى وعدم النظر فى وجه من يتحدث اليك
يعتبر احيانا عدم ثقة بالنفس
اذا كان فى غير محله

اسعدنى مرورك

الذوق منك وفيك ياحببتي مسلمه

والله أنا بحاول كتييير اني اعلي صوتي وانظر الى من يكلمني

بس حاسه اني بدات شويه انظر الى من يكلمني ولكن الصوت مش قادره اقاومها ابدا

وفعلا في الامتحان بيقولولي نفس اللي حضرتك قولتيه وناس كتير بيكلموني بسبب كده ولكن بلا جدوى ويفضلوا يقولولي انتي عايزه شحن
بس انا خايفه انهم يزعلوا مني علشان مبعليش صوتي او مابسمعش كلامهم لما يقولو علي صوتك والله هو مش بإرادتي أنا بحاول بس ما أقدر

أسعدتيني أوي يامسلمه لما رديتي على مشاركتي

أنا حاسه ان أخلاقك عاليه اوي وبجد نفسي اتعرف عليكي

جزاكى الله خيرا
يا محبة الرحمن

انا اسعد والله بمعرفتك
ادخلى معانا الشات فى فضفضة الاخوات
ان شاء الله نتعرف على بعض اكتر

جزاكِ الله خيراً على هذه الفوائد

وجعلها الله في ميزان حسناتك

موضوع رااااائع جداااااااااااا
جزاك الله خيرا