قصتى مع "دعاء"

موضوع: قصتى مع "دعاء" السبت يناير 08, 2011 8:38 pm

مديرة الموقع

ايه رايكم اخواتى الغاليات
خطرت لى فكرة اتمنى تفاعلكم معى فيها
وهى ان كل واحده تحكى قصه ليها مع دعاءمن الادعيه
وانا هبد؟أ
اكيد جربتى فى يوم انه تضيع منك حاجه وتفضلى تلفى وتدوخى عليها ومش تلاقيها
اكيد ده بيحصل معانا كتير
بفضل الله الدعاءده لما بقوله الاقى الحاجه حتى ولو تاهيه فين سبحان الله
حتى شنطة يدى طبعا بتكون مليانه حاجات ومحتاجات وصعب انك تلاقى فيها الحاجه بسهوله محتاجه جهاز استكشاف
بفضل الله اقول الدعاءوامد ايدى فى الشنطه الاقى ايدى بتخبط فى الحاجه اللى انا محتاجاه
ومواقف كتيره مع هذا الدعاء
دلوقتى بأه اقول لكم الدعاءوهو

::اللهم يا جامع الناس ليوم لا ريب فيه اجمع بينى وبين ضالتى ::

خليه فى لسانك على طول بدل ما تقولى الحاجه دى راحت فين وتقلبى الدنيا وتتنططى وتضربى فى ده وده
قولى الدعاء ده وهتشوفى

فى انتظار تفاعلكم معى
ولو حد عنده تجربه مع دعاء يحكيها معانا
وربنا ييسر لنا جميعا الدعاء

مبدعة غالية

جزاك الله خيرا أختي الحبيبة

فكره روعه ما شاء الله

طبعاً الدعاء اللي قلتيه مجرب كتير ماشاء الله

نتائجه سريعه جداً

وعجيبه خالص ... أوقات تنتبهي لمكان مش ممكن كان يخطر على بالك من غير ما تقولي الدعاء

وسبحان الله لما تقولي الدعاء

اللهم يا جامع الناس ليوم لا ريب فيه اجمع علي ضالتى

تلاقي الحاجه اللي ضايعه على طول

وهاقولكم على دعاء تاني في المشاركه الجايه إن شاء الله

لي عوده فانتظروني

فكرة رائعة أختي الكريمة

أشكرك أختي على تميز طرحك

أما بالنسبة لي فما احترت في أمر وضاق بي الوقت عن صلاة الاستخاره

إلا قلت هذا الدعاء فنفعني الله تعالى به كثيراً

" اللهم خر لي واختر لي فإني لا أحسن الإختيار

اللهم دبر لي فإني لا أحسن التدبير

اللهم سهل ويسر لي كل أمر عسير وأصلح لي شأني كله يا أكرم الأكرمين "

بالطبع فإن الأصل في الأمر صلاة الإستخاره

لكن كما قلت هذا عندما يكون الأمر سريعاً جداً ولا مجال لصلاة الركعتين

وعندها يظهر أثره في تقدير الخير لكِ إن شاء الله

بارك الله فيكى غاليتى مروج الذهب واشكر لك مرورك

هقولكم قصة جديده ليا مع دعاء جديد

جربتى فى يوم انك تكونى فى مكان وتحصل فيه حاجه مش عاجباكى وكمان مش قادره تغيريها
اسهل لكم الموضوع لو انتى مثلا راكبه مواصلات والسواق ربنا يهديه مشغل اغانى عاليه وانتى مضايقه ومش قادرة تقولى اطفيه لو سمحت لانه ببساطه يا اما هيتنح لك او هيقول اللى مش عاجبه ينزل
اوحاجه تانيه انك تحسى انك مكسوفه ومش عندك القدرة انك اصلا تقوليله اطفى الكاسيت لو سمحت

بصو بأه يا جماعه انا اتعلمت دعاء لما بقوله والله على ما اقول شهيد بيحصل حاجه من التالى
اما ربنا يصم اذنى تماما وما باسمعشى خالص
او واحدجامد ابن حلال يزعق فى السواق ويقول له احنا مصدعين يا عم عايز تسمع اسمع على أدك
او الكاسيت يحصل فيه حاجه يعطل او يزن
او سبحان الله دى اخر حاجه حصلت لى النهارده
ان السواق من نفسه يقفل الاغانى
مش كده وبس وكمان شغل قران مجود
كل اللى فات ده مواقف فعلا حصلت معايا
انتو كمان جربو الدعاء واحكو لنا اللى حصل

دلوقتى اقول لكم الدعاء "
"اللهم ان هذا منكر لا ترضاه ولا أرضاه فأعنى على إنكاره"

الى لقاءمع قصة جديده ودعاء جديد

مبدعة مميزة

سلمت يمينك أختي الكريمة

مشاركة رائعة منك غاليتي

أسأل الله الكريم أن يجزل لكِ المثوبة عليها

وأن يتقبل الله تعالى منا ومنك صالح الأعمال

وإن شاء الله متابعة معكم الموضوع

فاتحفينا بالمزيد

مبدعة غالية

مسلمة وأفتخر كتب:: بارك الله فيكى غاليتى مروج الذهب واشكر لك مرورك

هقولكم قصة جديده ليا مع دعاء جديد

جربتى فى يوم انك تكونى فى مكان وتحصل فيه حاجه مش عاجباكى وكمان مش قادره تغيريها
اسهل لكم الموضوع لو انتى مثلا راكبه مواصلات والسواق ربنا يهديه مشغل اغانى عاليه وانتى مضايقه ومش قادرة تقولى اطفيه لو سمحت لانه ببساطه يا اما هيتنح لك او هيقول اللى مش عاجبه ينزل
اوحاجه تانيه انك تحسى انك مكسوفه ومش عندك القدرة انك اصلا تقوليله اطفى الكاسيت لو سمحت

بصو بأه يا جماعه انا اتعلمت دعاء لما بقوله والله على ما اقول شهيد بيحصل حاجه من التالى
اما ربنا يصم اذنى تماما وما باسمعشى خالص
او واحدجامد ابن حلال يزعق فى السواق ويقول له احنا مصدعين يا عم عايز تسمع اسمع على أدك
او الكاسيت يحصل فيه حاجه يعطل او يزن
او سبحان الله دى اخر حاجه حصلت لى النهارده
ان السواق من نفسه يقفل الاغانى
مش كده وبس وكمان شغل قران مجود
كل اللى فات ده مواقف فعلا حصلت معايا
انتو كمان جربو الدعاء واحكو لنا اللى حصل

دلوقتى اقول لكم الدعاء "
"اللهم ان هذا منكر لا ترضاه ولا أرضاه فأعنى على إنكاره"

الى لقاءمع قصة جديده ودعاء جديد

ما شاء الله عليكي أختي

أول مره أعرف الدعاء ده

وأسلوبك في الكتابه راااااائع

صورتي الموقف زي ما بيحصل بالضبط

وخلصتيني من مشكله كبيييييييره عندي اللي هي الكسوف

فعلاً ساعات الوحده تتكسف تنكر المنكر خاصه لما يكون في جماعه وهي لوحدها زي موقف المواصلات ده

إن شاء الله أقول الدعاء بعد كده ...

وربنا يعينا وإياكِ على الأمر بالمعروف والنهي عن المنكر

ربنا يجزيكي عنا خير الجزاء

ويجعله في ميزان حسناتك

مبدعة غالية

ودي مشاركتي زي ما وعدتكم

الدعاء عند المصيبة

طبعا لما يحصل للوحده حاجه تكرهها أو كانت منتظره حاجه تانيه وما حصلتش تزعل أوي

وفي ناس ربنا يعافينا بتقول كلام سيئ فيه سخط وعدم رضا

لكن والله هاقول لكم دعاء أوعي تقوليه على سبيل التجربه

لكن خلي عندك يقين وأول ما تحصل لك حاجه وتكرهيها

خلي أول كلامك الدعاء ده

إنا لله وإنا إليه راجعون ، اللهم أجرني في مصيبتي وأخلف لي خيراً منها

دعاء عجيب والله

قوليه وخلي عندك يقين إن ربنا هيعوضك خير أحسن من اللي حصل

وشوفي النتيجه ... ومتنسيش تدعي لي

وانا بأقول كلمة " لازم " ليه ؟؟؟

علشان الرسول صلى الله عليه وسلم قال : " إلا أجره الله في مصيبته وأخلفه خيراً منها "

يعني أكيد ويقين ربنا يخلف لك خيراً منه

وعلشان تتأكدوا أكتر

ده نص الحديث

- ما من مسلم تصيبه مصيبة فيقول : ما أمره الله : إنا لله وإنا إليه راجعون . اللهم ! أجرني في مصيبتي وأخلف لي خيرا منها - إلا أخلف الله له خيرا منها . قالت : فلما مات أبو سلمة قلت : أي المسلمين خير من أبي سلمة ؟ أول بيت هاجر إلى رسول الله صلى الله عليه وسلم . ثم إني قلتها . فأخلف الله لي رسول الله صلى الله عليه وسلم . قالت : أرسل إلي رسول الله صلى الله عليه وسلم حاطب بن أبي بلتعة
يخطبني له . فقلت : إن لي بنتا وأنا غيور . فقال : أما ابنتها فندعو الله أن يغنيها عنها . وأدعو الله أن يذهب بالغيرة
الراوي:
أم سلمة هند بنت أبي أمية
المحدث: مسلم -
المصدر: صحيح مسلم - الرقم:918
خلاصة حكم المحدث: صحيح

المصدر : الدرر السنية

شايفين الحديث

أم المؤمنين أم سلمة رضي الله عنها ، لم تكن تصدق أن هناك رجل من المسلمين أفضل من أبوسلمة رضي الله عنه ..أول بيت هاجر إلى رسول الله صلى الله عليه وسلم

فأخلفها الله عز وجل بخير البشر رسول الله صلى الله عليه وسلم

اشكرلك مشرفتنا الغاليه
خادمة السنه
مرورك الكريم
واشكر ك اختى ام عبدالله على الاضافه المفيده
وان شاءالله لى عودة

مبدعة رائعة

اسمحو لى اخواتى الكريمات ان اشارك معكم
هذا الموضوع رائع
وفكرته جميله
انا بأه احكى لكم قصتى
كان عندى مشاكل كتييييييييير اوى فى شغلى
مع رئيستى فى الشغل وهى ست جباره بمعنى الكلمة لا تتوانى عن أذية البشر
وكانت مصرة على اذيتى بشكل مبالغ فيه
لدرجة ان الجميع نصحنى بان اترك هذا الشغل وادور على شغل تانى
لانها ست واصله وطالما نوت تؤذينى يبقى هيحصل
وقالو امشى انتى بدل ما تفصلك او تلبسك مصيبه
بس الحمد لله كان عندى يقين كبيييييييييييير فى ربنا وان ربنا اقوى منها
فضلت ادعى واقول
رب هب لى من لدنك سلطانا نصيرا
والله يا اخواتى جه بعدها رئيس تانى كان العكس تماما
ساعدنى كثيرا
وانجزت وتقدمت فى شغلى بطريقه لم اكن اتوقعها انا ولا غيرى
بفضل الله الذى استجاب لى وارسل لى هذا السلطان النصير

مبدعة غالية

فكرتك حلوه

جزاك الله خيرا

انا حصل معايه قصص كتييييييييير بس مكسله اكتب

مبدعة راقية

جزاكم الله خيرا

مبدعة غالية

ايه رايكم يا مبدعات

عايزين ننشط الموضوع
مع التحيه

مبدعة غالية

النهارده وانا على كرسي الاعتراف قبل الكهربا بما تقطع كان فيه سؤال ايه الموضوع اللي اثر فيكي في المنتدى الاسلامي

فدخلت ابص على القسم ده

وافتكرت الموضوع ده بصراحه رووووووووعه ما شاء الله لا قوة إلا بالله

وحبيت ننشط الموضوع يا مبدعات

ايه رأيكم ؟؟؟؟

مبدعة غالية

انا هقول لكم يا مبدعات على دعاء وقصتي معاه

عندما اخاف على فقدان شيء اضع يدي عليه واقول هذا الدعاء وبفضل الله يحفظه الله تعالى لي حتى استرده سالماً

والله يا مبدعات ما شاء الله لا قوة إلا بالله ما قلته إلا حفظ الله لي هذا الشيء والحمد لله رب العالمين

مره كان زوجي سيذهب الى مكان ما لانهاء بعض الاوراق الخاصة بي

واخذ معه كل شهاداتي الجامعيه وشهادة ميلادي واوراقي كلها كلها

وكانت كلها اصول وموثقه واستغرقت اوقات طويله في استخراج كل ورقه منهم

وعندما اعطيته الملف كنت خائفه جدا ان يفقد منها اي ورقه

فوضعت يدي عليها وقلت الدعاء ثم انصرف زوجي

عندما عاد زوجي آخر اليوم كانت معه حقيبته فظننت ان الاوراق بها وان الامور بخير

وانشغلت بسؤاله عن الاوراق التي ذهب لاستخراجها وهل انتهى او لا ؟؟؟؟

وبعد العشاء بفتره طويله تذكرت ان اخرج الاوراق من حقيبته

فتحت الحقيبه واذا بي لا اجد اوراقي

ليس المفقود ورقه واحده كما كنت اخشى ان تفقد

لااااااااااا

بل الملف كااااااااامل مفقوووووووووود

فاصله ورده

اصبحت في غربتي بلا اي اوراق او شهادات او او او

كانت صدمه كبيره بالنسبه لي
قلت (( انا لله وانا اليه راجعون اللهم اجرني في مصيبتي واخلف لي خيرا منها ))

وبكيت كثيييييييييرا

لان زوجي في ذلك اليوم ذهب الى اماكن كثييييييره مختلفه واكثر من مصلحه حكوميه
وركب اكثر من تاكسي وهو لا يذكر اين فقده تحديدا

المهم كنت كلما تذكرت انني قلت الدعاء اهدأ والحمد لله

الى ان اذن الفجر وانا في قلق شديييييييد

بعد صلاة الفجر ذهب زوجي الى احد الاماكن التي كان فيها وسأل الحارس على الباب فقال لا لم أجد شيء
فذهب الى بوابه ثانيه وسأل الحارس الآخر قال له انا وجدت ملف به اوراق بعد صلاة الفجر
كنت امر على المكاتب لاطمئن على الاحوال فوجدته على احد الكراسي
ومن فضل الله ان لون غلاف الملف كان نفس لون الكرسي فلم ينتبه له احد حتى وجده الحارس
وبعد ان تأكد الحارس من اننا اصحاب الاوراق ( عن طريق جواز السفر )
اعطانا الملف
والحمدلله رب العالمين كانت هذه نعمه كبييييييره جدااااااا من رب العالمين

فقد حفظ الله لي اوراقي وشهاداتي ببركة هذا الدعاء

بالتأكيد تريدون معرفة هذا الدعاء يا أخواتي المبدعات

الدعاء هو ( استودعكم الله الذي لا تضيع ودائعه )

أختي المبدعه والله لا تضيع وديعه اودعتيها لله عز وجل الذي لاتضيع ودائعه

احبكن في الله يا مبدعات

مبدعة غالية

حزاكم الله خيرا يا مبدعات

اقلكم انا بأه قصتى؟؟

انا طبعا بيحصل معايا مواقف كتييييييييييييير

والله العظيم بجد بيحصل معايا مواقف كتير اوى بس بصراحه

مش فاكره منهم حاجه

انا فاكره اجدد موقف وحصل معايا امبارح

بصو انا كنت بعمل عالجدول وبجهز شنطتى عشان اروح المعهد انهارده

وانا بجهز الشنطه لقيت فى كتاب ناقص

وانا اصلا مبيضعش منى كتب لان كتبى كلها مرصوصه بنظام ومستحيل

يضيع منها حاجه فانا بأه قلقت موت وانا مش عارفه ادور عليه فين

لان كتبى كلها على بعض ومش عارفه ادور فين وطبعا قلت يمكن عيال

اخواتى سرحو بيه فى حته كده ولا كده ونكت الدنيا وقلبت البيت

عشان مبحبش اعد فى الحصه الا وانا معايا الكتاب

فقلت الدعاء وفضلت ادور

فى الاخر يعنى مش لقيتو

قلت لا مستحيل اقول الدعاء ومش الاقيه

وان شاء الله هحضر الحصه بكره وانا معايا الكتاب

وكان عندى ثقه جامده ان انا هحضر الحصه بالكتاب

فرحت نمت وصحيت رحت المعهد وبقول لصحبتى

والله يا....... انا كتابى الفرنساوى ضايع ومش عارفه اعمل ايه

لقيتها بتقولى دا الكتاب بتاعك معايا اهوه

عارفين بأه انا قلت دعاء ايه؟؟؟؟؟؟؟؟؟
(اللهم جامع الناس ليوم لا ر يب فيه . رد الى ضالتى)

ومستنه باقى المبدعات يشاركو بالموضوع

يلااااا سلااااااام

موضوع: رد: قصتى مع "دعاء" الأحد مارس 04, 2012 11:07 pm

الدعاء ده فعلا عجيب يا محبة
انا عايزة اقولك
ان شنطتى دايما الحاجات تايهة جواها
انا باحط ايدى فى الشنطة واقول الدعاء
الاقى ايدى خبطت فى الحاجة اللى انا عايزاها
والحمد لله معلماه لولادى
يا ريت المبدعات يشاركونا
باى دعاء كان له تأثير فى حياتهم

مبدعة غالية

كان غايب عن بالي هالدعاء

بس بدات اطبقوا من اليوم

لما رحت ازور الجده وخليت الجهاز شغال حطيت يدي عليه وقلت الدعاء

ولما رحت عند الجده وكنت راجعه حطيت يدي على الملابس المنشوره بره وقلت الدعاء

اصلي في حرميه كثير عندنا في تلك المنطقه

وانشاء الله رح داوم عليه

جزاكم الله خيرا وسدد خطاكم

بداية اشكرك كثيرا يا ام عبدالله على تنشيط الموضوع
واشكرك انه تذكرتى هذا الموضوع وجعلتيه موضوعا اثر فيكى

مبدعة غالية

لانه بالفعل اثر في يا مشرفتنا

بصراحه تعلمت منه ادعيه جميله لم اكن انتبه لها

بارك الله فيكي وجعله الله في ميزان حسناتك

ورد أحمر

موضوع: رد: قصتى مع "دعاء" الأحد مارس 11, 2012 2:28 am

ماشاء الله موضوع راااائع

بس عندى استفسار
عن دعاء الضالة

قرأت هذه الفتوى

اقتباس :: مدى صحة هذا الحديث وتوثيقه: اللهم يا جامع الناس ليوم لا ريب فيه أجمعني بضالتي ويسمي الضالة؟

الحمد لله والصلاة والسلام على رسول الله وعلى آله وصحبه، أما بعـد:

فقد قال الشوكاني في تفسيره فتح القدير: أخرج ابن النجار في تاريخه في قوله: رَبَّنَا إِنَّكَ جَامِعُ النَّاسِ لِيَوْمٍ لاَّ رَيْبَ فِيهِ إِنَّ اللّهَ لاَ يُخْلِفُ الْمِيعَادَ. عن جعفر بن محمد الخلدي قال: روي عن النبي صلى الله عليه وسلم: أن من قرأ هذه الآية على شيء ضاع منه رده الله عليه، ويقول بعد قراءتها: يا جامع الناس ليوم لا ريب فيه اجمع بيني وبين مالي إنك على كل شيء قدير. فهو مروي هنا مرفوعاً إلى النبي صلى الله عليه وسلم هكذا بصيغة التمريض وهي تستعمل غالباً فيما لم يصح عن رسول الله صلى الله عليه وسلم من الأحاديث.

ويذكر كثير من أهل العلم هذا الدعاء منسوباً إلى أحد الصوفية ويدعى المزين الكبير، ففي البداية والنهاية لابن كثير قال: روى الخطيب عن علي بن أبي علي إبراهيم بن محمد الطبري عن جعفر الخلدي قال: ودعت في بعض حجاتي المزين الكبير فقلت له: زودني. فقال لي: إذا فقدت شيئاً فقل: يا جامع الناس ليوم لا ريب فيه إن الله لا يخلف الميعاد اجمع بيني وبين كذا، فإن الله يجمع بينك وبين ذلك الشيء. انتهى.

قال المناوي في فيض القدير: بعد أن ذكر هذا الأثر: وقال النووي في بستانه: جربته فوجدته نافعاً لوجود الضالة عن قرب، وقد علمنيه شيخنا أبو البقاء. انتهى. وراجع للمزيد الفائدة الفتوى رقم: 6815، والفتوى رقم: 68581.

************
تقول: هل دعاء الضالة: (اللهم يا جامع الناس ليوم لا ريب فيه اجمع
عليّ ضالتي صحيح)؟ وهل ورد عن الرسول -صلى الله عليه وسلم- سورة خاصة
بالضالة؟ أو صلاة ركعتين بنية رد الضالة؟.

لا أعلم دعاءً خاصًا صحيحاً لرد الضالة.

حد يقولى رأيه يا جماااعة

ما شاء الله موضوع رائع

بارك الله فيك وجزاك الله كل خير وجعله في ميزان حسناتك يا مسلمة وأفتخر
وبارك الله فيكن يا أخوات على مشاركتنا هذه الأدعية
لي عودة ان شاء الله لأشارككن

قصتى مع "دعاء" 0513_400a1934bfe11

» دعاء لمصرنا الحبيبة
» دعاء غاية فى الروعة
» دعاء لنساء المسلمين
» دعاء لله الواحد القهار
» دعاء جميل لمصطفى حسنى