شوفوا بيقولوا مين هو المصرى ........هم يضحك وهم يبكى هههههه

المصرى هو اللى:

- بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجى بعد معاده بساعتين ويفتكر إن ده عادى

- لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

- ممكن يعدي التلا تين ولسه عايش مع أمه وأبوه وماعندهومش مشكلة

- بيشترى قبل الفطار في رمضان مواد إستهلاكية أصلا موجود عنده في البيت لسه ماستخدمهاش

- بيكون عنده شواية لزوم الرحلات أقصى استخدام لها كان مرة واحدة فى العيد

- بيشيل طابع البريد من على الظرف لو الختم ماكانش عليه

- بيفتكر إن أي حد بيشتغل في الخليج بيغرف فلوس من غير حساب

- بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

- برده بيتخانق ساعة دفع الحساب بحرارة شديدة على إنه هو اللي لازم يدفع

- بيفرش ملاية سرير على طقم الأنتريه عشان يفضل نضيف لما ييجى ضيوف ومابيشيلهاش لما ييجوا

- والأهم إنه اللي بيحب يسخر من نفسه ومن بلده وحكامه بس مايطيقش حد تانى يسخر منهم .

منتظره ردودكم وتقولوا فيكم من الحاجات ده فعلا ههههههههههههه

شوفوا بيقولوا مين هو المصرى ........هم يضحك وهم يبكى هههههه 10

شوفوا بيقولوا مين هو المصرى ........هم يضحك وهم يبكى هههههه 10

اقتباس :: بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

انا اعرف واحد فيه الحته دى بس حاليا خلاص مابتتعملش

وانا لسه ماظهرش حاجه من الحجات دى فيا

بس بجد موضوع راااااائع ومضحك

ههههههههههههههههههههههههههههه

اقتباس :: وانا لسه ماظهرش حاجه من الحجات دى فيا

بس بجد موضوع راااااائع ومضحك

شويه كده يا نجمه لما تكبرى بس وتفتحى بيت هتلاقى كل الحاجات ده فيكى من غير ما تحسى ههههههههههههههههه واسألى مجرب

اقتباس :: بيفرش ملاية سرير على طقم الأنتريه عشان يفضل نضيف لما ييجى ضيوف ومابيشيلهاش لما ييجوا

أنا صراحه مش كده ممكن يكون قصده البياضات بتاعة الأنتريه

بس اللى احنا بنعمله بنفرش مفرش عالسجاده حصيره أو ما شابه

علشان متتوسخش ويفضل محطوط برده لما حد يدخل البيت

مبدعة مميزة

اقتباس :: بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

انا بحب احتفظ بالحجات الى ذى ده
وضحكتنى موووووووت
زهره

مبدعة رائعة

ههههههههههههههههههه

انا اظن ان اكتر حاجه المصريين مشتركين فيها هي:

اقتباس :: - بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

بس فعلاالموضوع جميييييييييل

سلمت يداك 2

هههههههههههههههههههه
فظييييييعه يا فراشة
كلهعم فعلا موجودين فى ناس كتير
بصى دى اكتر واحدة موجودة فيا

اقتباس :: - لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

لى عودة عشان اعلق على الباقى

والله انتوا بتضحكوا !!!
ده انا دمى اتحرق من صاحب المقال الاصلى ......فيه سخرية من شعب كامل وربنا قال :لايسخر قوما من قوم عسى أن يكونوا خيرا منهم .....
ومعظمها حاجات اكيد مقبولة وعادية وممكن تتكرر فى مجتمعات تانية غير المصريين
وفى اللى مخترع الموضوع نفسه
ولها حق فراشة تحط العنوان ده للموضوع

بس علشان انا بقى مصرية هعترف من نفسى بمزاجى يعنى ...ههههه

اقتباس :: - بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

بس والله بستخدمها ونفعانى ..فيه ايه يعنى!!

اقتباس :: لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

بس مش لدرجة عشرين ...قولى19 بس ههههههههههه

اقتباس :: - لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

دى أحيانا بلاحظها بردوا على نفسى

شوفوا بيقولوا مين هو المصرى ........هم يضحك وهم يبكى هههههه 1243361135

أحب أقول لكل من زار الموضوع ولكل من علق

شوفوا بيقولوا مين هو المصرى ........هم يضحك وهم يبكى هههههه 23

بالنسبه لأم البنين

أنا فعلا نقلت الموضوع علشان أوريكو نظرت الغير لينا ايه

وحطيت عنوان هم يضحك وهم يبكى

بس ردودك وتعليقاتك منتهى خفة الدم

يسلملى ردك يا غاليه

شوفوا بيقولوا مين هو المصرى ........هم يضحك وهم يبكى هههههه Post-20628-1188683680

شوفوا بيقولوا مين هو المصرى ........هم يضحك وهم يبكى هههههه Post-20628-1188683680

مبدعة راقية

هو مافيش غير المصرى
ماكانش ينفع اى حد تانى يعنى ممكن نقول الناصح
فى حاجات حقيقى تستاهل السخريه
وعندك حق بس انا معترضه ع العنوان
وعلشان كده فعلا
معرفتش اشيرها share

مبدعة غالية

اقتباس :: - بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

- بيحط الريموت كونترول في كيس بلاستيك كعادة فرعونية

- يقف يتكلم على الباب نص ساعة بعد إنتهاء الزيارة والسلام

- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

- ييجى بعد معاده بساعتين ويفتكر إن ده عادى

- لسه عنده إصرار إنه يتكلم بصوت عالي في التليفون لما تكون المكالمة دولية عشان التانى يسمعه

- بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

- بيحتفظ بأكياس محلات اللبس والأحذية وورق الهدايا ! تحت مرتبة السرير لسنوات ومابيستخدمهاش

- عنده صينية مكسرات متقسمة لتلات او أربع أقسام لزوم المزاج وعمره ماإستخدمها

التسع حاجات دول انا بشفهم لحد دلوقتى فى ناس انا اعرفها

مبدعة غالية

وشكرا ليكى يافراشه موضوع جميل اوى وبيضحك

شكرا لمروركم وتعليقاتكم سواء بالسلب أو الايجاب لكل وجهة نظره الخاصه

ووجهة نظرى ان الموضوع مينفعش يتقال علينا الكلام ده ولذا وضعت العنوان شوفوا بيقولوا مش أنا اللى بقول واسلوبى فى العنون استنكار واستهجان

شوفوا بيقولوا مين هو المصرى ........هم يضحك وهم يبكى هههههه Y610

شوفوا بيقولوا مين هو المصرى ........هم يضحك وهم يبكى هههههه Y610

مبدعة مميزة

صح هو ده اللى بيحصل
جزاك الله خيرا

» من يضحك أخيراً يضحك كثيراً
» طفل يبكى وهو يتوضا
» قصة تجعل القلب يبكى قبل العين
» بسرعه كله يدخل *هههههه*
» لماذا يضحك الطفل عندما تقذفه لاعلى؟