موضوع هام

السلام عليكم ورحمة الله وبركاته

قال رسول الله (صلى الله عليه وسلم)
((أحب الأعمال إلى الله إدخال السرور على قلب مسلم))
صدق رسول الله (صلى الله عليه وسلم)

كل سنة وانتم طيبين
كلها أيام معدوده وكل الأمه الاسلاميه تحتفل بعيد الفطر المبارك
العيد اللى كلنا بنستناه
بيجيب لنا معاه الابتسامه والفرحه
كلنا فيه بنصل رحمنا و بنزور قرايبنا وكل الناس بتبقى مبسوطه بيه
حتى الأطفال

بس زى ما فى ناس بتبقى مبسوطة فى العيد
فى ناس تانيين مش بتبقى مبسوطة
بيعدى عليها زى أى يوم تانى .. مش بيحسوا فيه بطعم السعاده اللى احنا بنحسها

الناس دول هم اللى ربنا إبتلاهم بالمرض الخبيث
ونسأل الله ان يصبرهم على ما إبتلاهم

عاوزين نتخيل مع بعض
حال أى طفل سليم بنشوفه فى العيد وقد إيه هو فرحان ومستمتع
وحال طفل فى مركز الاورام
العيد بالنسبه له زى اى يوم تانى
يوم العيد اللى يفرح فيه وفرحته تكون طالعة من قلبه
هو يوم لما يقوم من سريره وهو سليم


عاوزين كمان نتخيل مع بعض
حالة أم .. ربنا رزقها بأطفال
منهم طفل مريض بمرض السرطان
ويبقضوا هم الاتنين العيد فى المستشفى
وابنها قدامها حالته ربنا بس هو اللى عالم بيها
قد إيه هم بيتألموا ومحدش حاسس بيهم !!

علشان كده
حسينا بمسئولية ناحيتهم

زى ما كلنا هانزور قرايبنا
تعالوا كلنا نزور الاطفال دول
ونكون احنا السبب فى سعادتهم فى العيد






الموضوع بسيط خالص


بس محتاجين ساعه او ساعتين من وقتك
تزور فيها طفل مريض
تقعد معاه
تتكلموا
تضحكوا
بتفرق كتير قوى معاه


وكمان مش بس كده
لأ .. إحنا هنقدم له هدايا جميلة
وحاجات هو بيحبها


تخيل
لما انت بإيديك تأكَّل طفل مريض كحك وبسكوت العيد
قد إيه ثواب العمل اللى انت بتعمله ده عظيم
ياااا بخت اللى يعمل كده

ربنا يجزيك كل خير على التذكره الجميله دي

بجد قلبي بيوجعني علشانهم

ربنا يشفيهم يارب

واللي مش قادر يزورهم يدعيلهم بالشفاء

الله يعطيج الف عافية على الموضوع الحلوالموضوع حلو وايد
جزاك الله خيرا أختي الغاليه