مغامرات ويوميات توتو ... تابعوني يا مبدعات ...متجدد دائما

ادعوا كل ام ان تكتب ما يفعله طفلها او طفل حد تعرفه( اى طفل)
فهى اشياء حقيقيه
وقد تكون ظريفه



كان فى اسره عادى بتشرب كل المشروبات زى اى اسرة(شاى- لبن- كاكاو........)
لكن مش مسموح للاطفال يشربوا نسكافيه
المهم سمحوا لابنهم توتو يشرب النسكافيه وكان مبسوط
كل يوم ماما تسأله
تفطر ايه
يقول: شندوتش جبنه ومعاه نسكافيه علشان احط السندوتش جوه النسكافيه
(طبعا عك لكن الامهات دايما يسمعوا كلام الاصغر منهم هى دى الموضه دلوقتى )




كل يوم الصبح نفس السؤال
كل يوم نفس الاجابه

(للعلم توتو كل يوم كان بيشرب كاكاو(على الظهر) )


فى يوم عملت الام كاكاو بدل النسكافيه
وقالت لابنها معلش ينفع كاكاو بدل النسكافيه
قالها ماشى
لاحظت الام
ان ابنها بياكل السندوتش من غير مايحطه جوه الكاكاو (زى ما كان بيعمل مع النسكافيه)
سألته هو الكاكاو مش عجبك
قالها لا
ده انا مخليه فى الاخر اشربه لوحده
سألته :اشمعنا مش بتعمل كده مع النسكافيه
قال: اصل انا مش باحب النسكافيه

مره توتو قال لماما
لوسمحت ممكن انزل اشترى لبان
ماما : خد 50 قرش
رجع توتو قالها : الراجل اعطانى اللبان الى انا مش باحبه
ماما :طب الراجل اعطاك كام لبانه؟
توتو : اعطانى 6
خدى 4
وانا اكلت 2




(مش فاهمه لو كان بيحبه كان هيعمل ايه)

توتو :ماما لوسمحت 2+8+5=؟؟؟؟؟؟؟؟؟؟؟؟؟
ماما : يساوى 15
توتو : 5+6=؟؟؟؟؟؟؟؟؟؟؟؟
ماما:11
توتو :2+8+3=؟؟؟؟؟؟؟؟؟؟؟
ماما:13
توتو :لاء ياماما 14 = (2+8+3)
انتى مش عارفه ان 4= 3
بس تقلبي3 وشهاالناحيه التانيه تبقى اربعه بالعربى
وتترجمييها تبقى (4)



يعنى الناتج 14= (2+8+4)

ماما: حد شاف الرموت
توتو : بتاع االريسيفر ولا بتاع التليفزيون
ماما : الريسيفر
توتو : الاحمر ولا الازرق
ماما :الاحمر
توتو: مش شوفتوا
ماما :طب الازرق
توتو: برده مش شوفتوا
هو انا لازم ابقى عارف مكان كل حاجه فى البيت





خلاص ماما لاقت الريموت


ماما :توتو عارف رقم القناه الاولى
توتو : القناة الاولى ولا المصرية
ماما : اى حاجه
توتو : لازم تحددى
ماما : خلاص القناة الاولى
توتو : لاء مش عارفها
ماما : طب المصرية
توتو : برده لاء

جمييييييييييييييييييله يازهره

هههههههههههههههههه

دا بيضحك عليها علشان تديلو فلوس تاني

توتو دا صعب اوى
بس حلوه خالص
ههههههههه

ماما هتخرج شويه
ماما : توته انت الكبيره خلى بالك من توتو ده لسه صغير
توته: حاضر ياماما
..........
ماما خرجت

...........
توته: يله ياتوتو نلعب

.
.
.
.
.
.
.
.
......................
ماما بتفتح الباب

ماما: مالك ياتوتو ياحبيبى بتعيط جامد ليه

توتو: توته ضاحت......(ضاعت)

ماما عماله تدور ...........
توته تحت اللحاف نايمه

ماما بتصحى توته

ماما: اخوك بيعيط ليه
توته : هو لسه بيلعب استغمايه
اصلى استخبيت تحت اللحاف وبعدين نمت

اما.... فتان






توته كسرت التربيزه (قعدت تنط فوقها لحد ما جه اجلها)


ماما :ايه اللى حصل


توته : ما اعرفش
(توتو لسه مش بيعرف يتكلم)
توتو : توته هوبه هوبه هوبه دش دش

جميييييييلة أوي يازهر

تسلم ايديك

على فكره دى مواقف حقيقيه
اتحكت لى حصلت بين طفلين مش لازم ولد وبنت
اتمنى اى حد يحب يحط زيها
بحيث نخرج من دائرة ويل لمن كذب ليضحك الناس

توتو :ماما ماما انا نضفتلك الموبايل الجديد
ماما: شكرا ياتوتو
توتو: ولقيته مش بينور حطيته فى الشاحن

ماما : انت نضفته ازاى
توتو: تحت الحنفيه

توتو ده من حياتى وحياتك وحياة جيرانك واصدقائك
بس كلهم حقيقيين

هههههههههههههه
شكل توتوحب يساعد ماما
حلووووووه