لما كنت صغيرة

كل واحدة تقول ايه اكتر حاجة من الحاجات دى كانت شاغلة فكرها وهى صغيرة
يللا شاركونى

1 - القمر بيجرى ورايا وانا ماشي فى الشارع

2 - ان السحاب بيتحرك من مكانه وانا ماشى او راكب العربية مع اهلى

3 - انى لما اتغطى بالبطانية من رجلى لراسى العفريت مش هيجى عندى

4 - ان الافلام الابيض واسود كانت فعلا وقتها الدنيا لونها ابيض فى اسود

5 - ان الممثلين موجودين جوه التلفزيون ^_^

6 - ان الحسنات الصغيرة ال ف جسمنا دي لما بنعمل حاجة حلوة ربنا بينزل من السما يحطها !

7 - ان الارض كرة وازاى الناس بيمشوا فيها ومش بيقعوا !

8 - لو مغسلتش ايدى قبل ما نام الشمامة حتيجى تشمنى

9 - ان المكرونة بتتزرع :
يللا يا مبدعات قولى وما تتكسفوش

ههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههه
فكرتينى بالذى مضى
كل الحاجات ده والله يا مسلمه كانت شغلى الشاغل

وأضيفلك حاجه كمان لسه مفكره فيها امبارح وأنا بولع البخور

لما نروح ونيجى بعصايه مولعه نار زى البخور مثلا يقولوا لينا متعمليش كده علشان هتعملى حمام بالليل على نفسك وانتى نايمه وفعلالالالالالالالالالالا كان لازم يحصل
ولما كبرت عرفت انه العقل الباطن مش أكتر ههههههههههههه

مبدعة مميزة

انا كانت عندى1-6
ههههههههههههههههههههه
موضوع راااااااااائع
بارك الله فيكى
جزاك الله خيرا

مبدعة نشيطة

هههههههههههههه
موضوع فكرنى بنفسى وانا طفله
انا فعلا كل الحاجات دى كانت شاغلانى
ما عدا الافلام ابيض واسود
واضيف لها
انى كنت دايما اقعد مع نفسى احاول افتكر وانا فى بطن ماما كنت باعمل ايه
وكان شكل بطنها من جوه ايه
ههههههههه

مبدعة غالية

انا 1. 2. 3 . 7

دول كانو بيحصلو معايه

بس والله موضوع رووووووووعه

مبدعة غالية

عيزه اضيف كمان حاجتين

1.ان وانا راكبه العربيه اى عمود او شجره تقابلنى افتكر انها بتمشى

وتجرى لورا

2. كنت مفكره ان الفراخ بتتزرع وكنت بروح ازرع الريش بتاعها

يلا كل وحده تقول كانت بيحصلها ايه

لالالالالالالالالالالالالا مش ممكن يا محبة الرسول ريش فرااااااااخ هههه

طب بسى بقه اللى يضحك أكتر

مجموعه من الأطفال مره جيرانا جابوا حبوب غله وراحوا محوطين مكان علشان يصطادوا فيه عصافير علشان يقطعوا لسانها ويجبوا لسان العصفور اللى بينطبخ

مفكرين شوربة لسان العصفور بتتعمل من لسان العصفور الحقيقى

مبدعة نشيطة

ههههههههههههههه
بجد تجننو
انا كمان زيك يا محبة
كنت بافتكر الشجر بيجرى
بس فظيعة بتزرعى ريش الفراخ
وحكاية لسان العصفور تجنن يا فراشة

انا بأه الحجات دى كلها كانت شغله بالى

وفى حاجه كمان كانت شغلانى وانا صغيره
كنت بشوف العربيات مشيه فى الشارع وشوف عربيتين واحده تروح واحده تيجى انا كل لما اشوفهم وهما بيعدو افتكر هيخبطو فى بعض واخاف وفجأه الاقى دى مشت كده ودى راحت كده

بجد ابدعتو كلكم يا مبدعات فى ردودكم
يللا طلعو اللى جواكم
ولى عودة

مبدعة راقية

انا مش فاكره اوى
بس كنت باشوف القمر
ومش عارفه ليه دايما موجود فى كل حته
مع اننا بنمشى بالعربيه بسرعه جامده

هههههه موضوع دمه خفيف يامبدعات

ان المكرونة بتتزرع

دى كانت على بالى واكتشفت انها مش كده على كبر
وكنت كمان لما أنام واحلم حلم افتكر ان اللى معايا فى الاوضة بيشوف نفس الحلم .....وكنت بسأل ماما عن الموضوع ده

اقتباس :: وكنت كمان لما أنام واحلم حلم افتكر ان اللى معايا فى الاوضة بيشوف نفس الحلم .....وكنت بسأل ماما عن الموضوع ده

جديده ده يا أم البنين

بس برده فيها براءه

اقتباس :: ان المكرونة بتتزرع

دى كانت على بالى واكتشفت انها مش كده على كبر

انا زيك كده يا ام البنين
وسبحان الله اكتشفتها برضه على كبر
ههههههههه
بس بجد الحلم ده حاجة جديدة فيها براءه اوى
وبالنسبة لموضوع النوم ده كان شاغلنى اوى انى نفسى اشوف نفسى وانا نايمة
لدرجة كنت اجيب المراية جنبى وافضل اغمض عينى نفسى اشوف شكلى عاملة ازاى

مبدعة رائعة

هههههههههههههههههههههههههه

انا كل الحجات دي كنت بفكر فيها فعلا ماعدا الحسنات

بس اكتر حاجه كانت مخوفاني هي الشمامه دي علشان كده وانا صغيره كنت مواظبه علي غسال ايدي وبقي قبل ما أنام

وكانوا بيقولو حاجات تخوف كمان زى

ان الخفافيش بتدخل في العين ومش بتطلع الا بالطبل والمزمار كأنه فرح ههههههههههههههههههههه

ابتسمي

اقتباس :: وكانوا بيقولو حاجات تخوف كمان زى

ان الخفافيش بتدخل في العين ومش بتطلع الا بالطبل والمزمار كأنه فرح ههههههههههههههههههههه

لا ايه دى يا سماء لازم تحكى لنا
اول مرة اسمع بيها
دى عشان ينوموك ولا ايه

وبالمناسبة
احنا الشمامة عندنا كان اسمها الحجة بركة
يا ترى عندكم كان اسمها ايه

مبدعة رائعة

الموضوع دا بجد والله

وكان منتشر بينا واحنا صغيرين خالص

ولما بقيت في اولي اعدادي سألت خالي عن موضوع الخفافيش

قالي دا علشان يخوفوا الاطفال وما يخرجوش باليل بعد المغرب

ههههههههههههههههه

ابتسمي