يوميات زوج وزوجة

ايه اللى ناقص



الزوجه :اتفضل الشاى
الزوج : شكرا ياحبيتبتى بس ناقص سكر
الزوجه :اتفضل السكريه
الزوج: شكرا
.
.
.

.
تانى يوم
الزوجه :اتفضل الشاى والسكريه علشان لو ناقص سكر
الزوج حط سكر(الشاى دلع)
الزوج: ممكن وانت راجعه تجيبى شوية شاى (اصله خفيف)
ولوسمحت شوية ميه سخنه (الكوبايه ناقصه)

تلاكيك

ههههههههههههههههههههههه

حلوه اوي
هههههههههههههههههههه

انا باحاول اى موقف حقيقى حد يحكيه اكتبه (بين زوج وزوجه)
ياريت تشاركونى

فعلا والله كل الر جاله بتموت في التلاكيك عشان يحصل مشكله ويبين نفسو انو راجل ويزعق ويعلي صوتو لكن الرجوله مش كده ابدا الرجوله كل الرجوله الهدوء

على فكره انا كان قصدى اوضح انها عملت الشاى بس
كان ناقص
سكر وميه وشاى

اقتباس :

بس كويس انه شاف المج نفسه

ههههههههههههههههههههههههههههه

حلوه أوى ده يا مسلمه

كل زوج وزوجه بيحصل بينهم مواقف
واكيد بيتحكلكم منها كتييير ياريت تكتبوها





(انتم طبعا عارفين ان كل واحد ليه مسدس مرخص ليه هو بس مينفعش حد ياخد بتاع حد (جريمه))
زوج :حبيبتى انت عارفه الظروف الامنيه دلوقتى
واحنا رايحين فرح اخوك بالليل علشان و مسافره معايا

فأنا جبت المسدس ده من صاحبى تقترحى اخبيه فين فى العربيه
زوجه : هنا هنا
الزوج بيسوق................................




الزوج: امسكى نفسك احنا داخليين على كمين
الزوجه مسكت الموبايل بالراحه
الزوجه: الو ايوه يابابا معانا مسدس مش بتاعنا واحنا ادام الظابط
نعمل ايه؟؟؟؟؟؟؟؟؟؟؟؟؟؟؟؟؟؟؟؟؟

الست قاعده ع النت



الزوج مسافر ومستعجل


والزوجه قاعده ع النت


الزوجه: عايز حاجه ياحبيبى
الزوج :لوسمحت إكوى لى القميص لحسن مستعجل
الزوجه : توته قومى اكوى لبابا
الزوج : شكرا ياحياتى هاكوى انا
الزوجه : عايز حاجه ياحبيبى
الزوج :لوسمحت لمعى الجزمه
الزوجه :يله يا توته لمعى لبابا الجزمه(طبعا توته بهدلت الدنيا)
الزوج :خلاص ياحبيبتى تقومى تحضرى الفطار ولا احضره انا
(زى العاده)
الزوجه : هو انتوا ماتعرفوش تعملوا حاجه لوحدكوا ابدا................أه..... كله عليا يارب اعنى

-مربى

(اللى بين الاقواس تفكير او شرح)

الزوج : الله ممممم مممممم
المربى دى حلوه اوى
مربة ايه دى

الزوجه : مربة برتقال
الزوج : مين اللى عاملها

الزوجه : انا
الزوج : تسلم الايادى ...................(اول مره تعملى حاجه عدله)
. . . . . . . . . . .. .
وتمر الايام .
......................

الزوج :خلاص البرطمان قرب يخلص اعملى تانى كتييييير
الله ايه ده فى قشرة برتقال ؟؟؟؟؟؟؟؟؟؟؟؟؟
جت منين دى ياحبيبتى ؟؟؟؟؟؟؟؟؟؟؟

الزوجه: حبيبى ما المربى كلها معموله من قشر البرتقال تحب اشرحلك

(الزوج رمى البرطمان وجرى ع الحمام )

الزوج :اه ه ه ه ه ه ه ه ه ه ه ه ه ه ه ه يابطنى يابطنىىىىىىىىىىىىىىى
اوعى تعملى تانى

الزوج : حبيبتى خلاص خلصت اكل
انضف السفره
الزوجه : اه و شيل الزباله


(الزوج خد الزباله وراح يرميها )


الزوج : معلش ياحبيبتى الزباله وقعت
فى جذمتك
اصلى نسيت ادخل جذمتك جوه الجزامه

الزوجه :نهارك زى.......................

بصوا رد الزوجه على انه حط الزباله ف جزمتها

انا نمت خلاص
الزوج :حبيبتى انا داخل انام محدش يصحينى
الزوجه: استنى انضف الاوضه
.
.
.
تمر ساعة
.
.
.الزوج دخل ينام
...
ربع ساعة مرت
.......
الزوجه : حبيبى عملت لك مشروب تحفه
قوم دوقه قوم قوم ..................
الزوج شرب
.
.
.
.
الزوج نام خلاص


الزوجه :حبيبى الفول النابت هيبرد لازم تاكله
الزوج سيبينى اناااااااااااااااااام
الزوجه لازم تشرب علشان يقويك ده مفيد جدا
ولو مش قمت دلوقتى هيخلص
الزوج اكل
.
.
.
.
الزوج نام خلاص
.
.
.

الزوجه : حبيبى جارتنا جابت رز بلبن لازم تدوقه لك ربع الطبق
الزوج :لما اصحى
الزوجه:جارتنا عايزه الطبق دلوقتى

الزوج :انا رايح لمامتى انام هناك

.
.

الزوج:ماما اناهانام مش تصحينى الا للشديد
قبل ماتنام هاعملك لبن
الزوج :لاء
.
.
.
.
الزوج نام خلاص
.
.ماما: حبيبى
الزوج :مش هاشرب حاجه
ماما : واحد عايزك على التليفون
الزوج: مين حضرتك
اللى ع التليفون :انا من تميمه(شركه للبيع عن طريق التليفون ) عايزين نبيع لك..المنتج (س)..........
................زوجتك اديتنا اسمك ورقم التليفون .......

هههههههههههه

قصص جميييييييييييييييله يازهره

ممكن تضميه لزوج وزوجه

هى المواقف دى مش كلها حقيقى
بمعنى ان اتحكالى كذا موقف وانا دمجتهم مع بعض
وانا لما هو وقع الزباله فى جذمتها ....علشان مش يساعدها تانى
فققررت ان هى لازم تاخد حقها
وبعدين هى ف القصه كانت بريئه جدا
عملت مشروب وعملت فول وطبق الرز بلبن ...........كلهم ممكن يخلصوا
هى بتحبه خايفه عليه
وبرده تميمه فرصه (تخفيضات)

يعنى هى بريئه خالص
مش قصدها حاجه

لذيذذذذذذذذذذذذذذ
الزوجه : مممممم

الزوج :بتاكلى ايه
الزوجه:سندوتش سوسيس
مممممممممممممممممم عايز
الزوج :لاء
......................
شويه
الزوجه :ممممممممممممم
الزوج :جوعتينى
الزوجه طلعت السندوتش من بقها واديته لزوجها
الزوج : شبعت خلاص...............(قرفتينى)

2
زوجه :ممكن اروح للكوافيير
زوج :افكر
..............
مرت ثانيه
.............................
زوجه:خلاص فكرت



زوج: ايه اللى انت لبساه ده
زوجه :بلطو
زوج :اه كلومبو(كرومبو)



زوجه :ايه رايك ياحبيبى
اشيل السفنج اللى على اكتاف البلطو ولا اسيبه
ناس قالولى شيله
زوج :خلاص شيليه
زوجه: بس الخياطه قالت لى سيبيه
الزوج : شيل واحده وسيبى التانيه
وبعدين خدى الاصوات على الاحلى


زوجه : ايه رايك الشنطه دى اغسلها ولا المعها
زوج: اغسليها
زوجه :خلاص ها المعها

لازم اريح الزبون
ابو توتو راح يشترى ترنج لتوتو
أبو توتو : بكام الترنج
البياع : ب 50
أبو توتو: اتفضل 50
البياع : انت مش هتقول حاجه
أبو توتو : لاء
البياع : يعنى مش هتفاصل
خلاص خد 15 الباقى
اصله ب 35 بس



الزوج خرج
رن رن الجرس الباب
الزوج : معلش نسيت المفتاح
الزوجه : هتتأخر النهارده
الزوج لاء
الزوج خرج

الزوج : بيفتح الباب
مش قلت لك مش هاتأخر
نسيت الموبايل



الزوجه هاستخدم سخان الشاى الجديد
الزوجه :لازم ادوس على الزرار
واحط الفيشه زى ما جوزى قال
...........
الزوجه : يا ابو توتو ليه سخان الشاى مش بينزل ميه
الزوج : حبيبتى لازم تمليه ميه
الزوجه : اشمعنا سخان الحمام
الزوج : ده حاجه وده حاجه
الزوجه :خلاص هاملاه متزعلش نفسك
الزوجه ملت السخان للشاى
الزوجه :اعمل save.............لحسن هاحط فيشه السخان مع الكمبيوتر
الزوج : حاضر
الزوجه : اعمل save.....................لحسن هاشيل فيشه السخان
الزوج: شيلى الفيشه ........... انا سيفت
الزوجه :شدها انت
افرض اتكهربت

والله ما كنت اعرف انك موهوبة فى الكتابة اللى بعد ما قرأت حكايات زوج وزوجة
وتوتو وتوته انت مبدعة ماما

اقتباس :

بس كويس انه شاف المج نفسه

هههههههههههههههه

عسل يا مسلمه وافتخر

&&&&&&&&&&&&

اقتباس :

زوجه : ايه رايك الشنطه دى اغسلها ولا المعها
زوج: اغسليها
زوجه :خلاص ها المعها

مش عارفه ليه الزوج والزوجه دايما يعاكسوا بعض

انا بردو لما اقول لزوجي على حاجه لااااااازم يعمل عكسها

ربنا يهديه يا رب



&&&&&&&&&&&&&&&&&&&

اقتباس :

ابو توتو راح يشترى ترنج لتوتو
أبو توتو : بكام الترنج
البياع : ب 50
أبو توتو: اتفضل 50
البياع : انت مش هتقول حاجه
أبو توتو : لاء
البياع : يعنى مش هتفاصل
خلاص خد 15 الباقى
اصله ب 35 بس

ده فين البياع اللي عنده ضمير ده

اللي بيحصل غالبا انه بياخد ال 50 ربنا يهدي يا رب

&&&&&&&&&&&&&&&&

اقتباس :

الزوجه هاستخدم سخان الشاى الجديد
الزوجه :لازم ادوس على الزرار
واحط الفيشه زى ما جوزى قال
...........
الزوجه : يا ابو توتو ليه سخان الشاى مش بينزل ميه
الزوج : حبيبتى لازم تمليه ميه
الزوجه : اشمعنا سخان الحمام
الزوج : ده حاجه وده حاجه
الزوجه :خلاص هاملاه متزعلش نفسك
الزوجه ملت السخان للشاى
الزوجه :اعمل save.............لحسن هاحط فيشه السخان مع الكمبيوتر
الزوج : حاضر
الزوجه : اعمل save.....................لحسن هاشيل فيشه السخان
الزوج: شيلى الفيشه ........... انا سيفت
الزوجه :شدها انت
افرض اتكهربت

هههههههههه

ضحكتيني اوووووووووووي يا زهره

ربنا يسعدك في الدنيا والآخره يا قمر



&&&&&&&&&&&&&&&

اقتباس :

الزوجه :اتفضل الشاى
الزوج : شكرا ياحبيتبتى بس ناقص سكر
الزوجه :اتفضل السكريه
الزوج: شكرا
.
.
.

.
تانى يوم
الزوجه :اتفضل الشاى والسكريه علشان لو ناقص سكر
الزوج حط سكر(الشاى دلع)
الزوج: ممكن وانت راجعه تجيبى شوية شاى (اصله خفيف)
ولوسمحت شوية ميه سخنه (الكوبايه ناقصه)

دي مش تلاكيك دي رخامه

انا اتغظت فعلا

اقتباس :

ده فين البياع اللي عنده ضمير ده

هو فعلا ملتزم
وعارف ان الناس لازم يفاصلوا
فهو بيريح نفسه
لكن هو (ملتحى على ما اعتقد )

اقتباس :

انا اتغظت فعلا

يا بنتى لسه الحياه ادامك
حافظى على اعصابك