لماذا يرفض الرجل خطوبة هذه الفتاة؟

بعض الصفات الايجابية التي توجد في المرأة تثير خوف الرجل وقلقه من الارتباط بها، فهو لا يطيق مثل هذه الايجابيات دوما، ويتمنى أن تتحول هذه الصفات الحسنة إلى العكس كي يستطيع التعامل مع شريكته، وهذه الايجابيات هي:

الاستقلالية

جميل أن تكون المرأة مستقلة في رأيها وعملها وقادرة على قيادة سفينة الحياة وحدها، لأن هذه المرأة القوية لا تشغل الرجل بهمها وتكون بمثابة رجل آخر في الحياة تشيل عنه وتخفف من عليه.
ولكن ما هو ليس جميلا أن هذه الصفة تضايق الرجل حين يشعر أن زوجته قادرة على البعد عنه في أي وقت، وأنها لا تحتاج له بالشكل الكامل مثل باقي الزوجات، ويشعر وقتها برجولة ناقصة وبعدم بسط جناحيه تماما عليها، وإمكانية تركه في أي وقت.

الجرأة

الناس تحاسب الرجل دائما على كلامه وكلام زوجته معا، أي أنه لا يمكن أن يتنكر لكلام زوجته ويعرب عن أن رأيها مخالف لرأيه وأنها حرة في ذلك، وهنا نجد المرأة توقع زوجها في المشكلات لو كانت جريئة وصريحة وتقول رأيها في الناس دون خجل، مما يسبب له بعض المشكلات مع أهله وأصحابه ومحيطه الاجتماعي، على الرغم من إيجابية هذه الصفة الفريدة وهي "الجرأة".

الكبرياء والكرامة

بالتأكيد كل رجل يرغب في الارتباط بامرأة لديها كبرياء وكرامة لا حدود لهما، ولكنه لا يحب هذه الصفة عندما يتخانق معها وينفعل عليها فالرجل يحب هذا الكبرياء ولكنه يتخوف من الارتباط بزوجة تضع كرامتها قبل أي شيء، لأن هذه المرأة تدفعه لمعاملتها بالشوكة والسكين كي لا تغضب وتنفصل عنه لو عاملها بقسوة ولو قليلة.

الثقة في النفس

بذمتك هل يمكن لرجل أن يتحمل أن تقول له زوجته "بص للأخريات براحتك .. وسيب البيت وبات برة زي ما انت عايز .. أنا واثقة من نفسي جدا؟" بالتأكيد هذه الجملة السابقة لا يتحملها أحد، فعلى الرغم من أن الرجل يدعي أنه يريد امرأة واثقة من نفسها، إلا أنه يخاف من الارتباط بهذه المرأة لو وجد أنها واثقة بزيادة لدرجة أنها لا تغير عليه مطلقا.

مبدعة غالية

موضوع رائع أختي مسلمة

بس بيني وبينك انا شاكه ان الست الأخيره دي موجوده أصلاً

اقتباس :: أن تقول له زوجته "بص للأخريات براحتك .. وسيب البيت وبات برة زي ما انت عايز .. أنا واثقة من نفسي جدا؟"

يعني أنا ما قابلتش وحده بتقول كده خالص

ههههههههههههه

شكرا على الموضوع

وربنا يبارك فيكي يا رب

اشكر مرورك العطر اختى الغاليه
ام عبدالله
والست اللى بتقولى عليها مش موجوده
هى موجوده فعلا ولكن نسبتهم قليله
انا اعرف واحدة بتحكى لى ان فيه واحدة بتتصل على جوزها بالليل وهى بترد عليها
تقول لها جزاكى الله خيرا
عشان صحيتينى اصلى قيام الليل
كمان باقولها يا بنتى جوزى دايما بيبات كتير بره تقولى انا واثقه من نفسى
بس انا لى راى تانى باقوله لها
دايما اقول لها انتى بارده
وهى تقولى انتى اللى غيورة وبتكبرى المواضيع
اقول لها واحدة بتتصل على جوزك وتكلميه عادى
تقولى هى اللى راميه نفسها عليه
باردة مش كده

مبدعة رائعة

صح يا مسلمة
الصفات دى تنفع الواحدة المديره
لكن زوجه لا
الرجاله عندهم حق

مبدعة راقية

موضوع جميل جداً بس فى الاخر لو حست انه ممكن فعلا يبص بره حاتطين عيشته وتخلي حياته كلها نكد وبرضو لازم تحسسه انه دايما هو الراجل وانها ديما محتاجه ليه حتى لو بالكدب

مبدعة رائعة

كلامك صح يا ساميه
انها لازم تحسسه انها محتاجه
بس مش دايما
الست الذكيه تحسسه انها محتاجاه وفى نفس الوقت تحسسه انها تقدر تعتمد على نفسها
لان الراجل برضه يحب ان يحس ان زوجته يمكن الاعتماد عليه
ا ولا انتم ايه رايكم؟؟

مبدعة مميزة

جزاكى الله خيرا

والله موضوع مهم لكل امراة

مبدعة غالية

جزاك الله خيرا

سلمت ايديك

مبدعة غالية

مبدعة جديدة

صدقتي

مبدعة رائعة

الموضوع فعلا جميل

بس الست بالنوعيه دي مش موجوده

يعني كل ما أقول كرامتى تعباني الناس تقول مفيش كرامه بين الرجل وزوجته

جزاك الله خيرا

اشكرك
حبيبتى سماء على المرور
وتنشيط الموضوع
وفعلا يا قمر ما فيش كرامة بين الراجل وزوجته
واكيد هو بيقدر بعد كده
واللى بتفتكريه دلوقتى تنازل عن كرامتك
هتلاقيه بعدين هو عز الكرامة
بس شكلك كده لسه جديدة فى الجواز
وفاكرة ان جوزك هيعاملك زى بابا وماما

مبدعة غالية

جزاكى الله خيرا يا مسلمه وافتخر

موضوع جميل زى صحبته

شكرا ليكى

» الفتاة المميزة 1
» ""امرأة لاينســــــــــــاها الرجل ""
» أسرار الفتاة اللبقة
» تمايل الفتاة اثناء المشي له سبب علمي , وهو ليس دلع
» قصة بنت يرفض المغسلين تغسيلها