مين هتقول معايا ....أنا مشتركه معاكى فى جرووب تنضيفة العيد؟

يللا يا مبدعات مين هتبدأ معايه وتقول بسم الله نبدأ فى خطه لتنضيف البيت نضافه شا مله للعيد

كل سنه وانتو طيبين

احنا دايما طبعا بنضف يا مبدعات

بس تنضيقة العيد ليها معنى تانى بتغيرى شوية فى نظام البيت

بتضيفى حاجه ىجديده برواز جديد ملاية جديده للسرير حاجات بتحسسنى انه فيه عيد

ولذلك هنعمل جروب ونشجع بعض

واللى عندها فكره هتضيفها واللى بهتبدأ تدينا تقرير عن اللى عملنه
مين هتقول معايا ....أنا مشتركه معاكى فى جرووب تنضيفة العيد؟ 553850_342934705843798_941967023_n

مين هتقول معايا ....أنا مشتركه معاكى فى جرووب تنضيفة العيد؟ 553850_342934705843798_941967023_n

يعنى انا ان شاء الله هبدأ بغسيل السجاد بالكامل

أنا الولاد عندى مبهدلين السيجاد علشان كده بغسلو دايما وكمان سجادى فااااتح ومجننى بصو متحاولوش تقولوليى حلول الحل ان أنا أشيله أرميه فى الشارع هههههههههه

المهم انا هبدأ ان شاء الله من غدا الخميس بالليل فى غسل السجاد وهصورلكم السجاد بعد غسيله بس اعذرونى من قبل غسيله بس على ايه ولا يهمكوا ان شاء الله

هيكون ةقبل وبعد

يللا ورونا لأفكاركو للعيد ونشاطكو وهمتكو معايه

مبدعة نشيطة

وأنا معاكم يا فراشة ويسعدنى أكون أول المنضمات للجروب وان شاء الله هنزل صور البيت بعد التنضيف على أد ما هقدر

تحياتى

يللا مين هيقول كمان احنا معاكى

على فكره مش شرط تبدأو بالسجاد فى ناس مبتغسلهوش اساسا كتير

كله يبدأ باللى هو عايزه

انا معاكى
بس قصة السجاددى هحاول

اووووووكى يا مسلمه مش مهم تعملى ايه كل واحده تشوف بيتها محتاج ايه المهم نشجع بعض

مستنيه تقريرك شكرا لمرورك

ايه ده !! فى موضوع نضافة هنا

معلش جيت متأخره انا معاكو ان شاء الله

وكل سنة وانتم طيبين

انا اكيييييييييييييد معاكى

بس مش هغسل السجاد همسحو بس

وهبدأ بالاوضه بتاعتى الاول

وهحاول اصور

وكل سنه وانتى طيبه

أم البنين كتب:: ايه ده !! فى موضوع نضافة هنا

معلش جيت متأخره انا معاكو ان شاء الله

وكل سنة وانتم طيبين

متأخرتيش ولا حاجه يا قمر احنا لسه بادئين يللا الهمه انا بحس تنضيفى عالعيد ده ليه معنى خاااص وفعلا بحس انه عباده

ده عيدى وأنا مسلمه وان شاء الله هعمل كل الطرق اللى تدخل السعاده عليه وعلى اهل بيتى يللا شدو الحيل

انا غسلت السجاد وبروق النهارده فى الدولاب فرصه حملة نضافه

نجمة المنتدى كتب:: انا اكيييييييييييييد معاكى

بس مش هغسل السجاد همسحو بس

وهبدأ بالاوضه بتاعتى الاول

وهحاول اصور

وكل سنه وانتى طيبه

وانتى طيبه يا نجمة يللا شدى الحيل عايزين البيت يكون نجمه منوره

ربنا يفرحنا ويفرحكوا بالعيد

يا جماعه الشغل عالعيد بيحسسك بفرحة العيد صدقينى وبيدخل السرور علينا ان شاء الله ميكونش عبء

مبدعة نشيطة

اقتباس :: يا جماعه الشغل عالعيد بيحسسك بفرحة العيد صدقينى وبيدخل السرور علينا ان شاء الله ميكونش عبء

فعلا يا فراشه الشغل للعيد ليه احساس تانى غير اى شغل

وبيحسسنا انه العيد قرب بوركتي

انا عن نفسى برده غسلت السجاد وروقت المطبخ من الحاجات اللى ملهاش لازمه

وكمان روقت الدولاب لأنه احنا داخلين عالشتا ففرزت الصيفى وشيلت الصيفى كله

ورتبته يللا الباقى يقولنا عملو ايه

انا لسه بروق ترويق عام وبكرة اعسل الستاير إن شاء الله

السجاد انا كنت غسلاه وطالع عينى فيه بمعنى الكلمة عيد الفطر ومش محتاج خالص .

انا بدأت بالمطبخ
غسلت التلاجةخليتها زى الفل
وكمان غسلت التربو
وبعدين نمت امبارح م التعب
ما تضحكوش عليا
النهاردة باه قمت من بدرى انا والعيال عملنا الصالة وشلنا الانترية ونضفنا تحته وبعدين غسلته
وبعدين قاعدة استريح شوية وهقوم اعمل اوضةالعيال

مسلمة وأفتخر كتب:: انا بدأت بالمطبخ
غسلت التلاجةخليتها زى الفل
وكمان غسلت التربو
وبعدين نمت امبارح م التعب
ما تضحكوش عليا
النهاردة باه قمت من بدرى انا والعيال عملنا الصالة وشلنا الانترية ونضفنا تحته وبعدين غسلته
وبعدين قاعدة استريح شوية وهقوم اعمل اوضةالعيال

رغم التعب واضح نشاطك ما شاء الله

انا بقه فكيت كسوة الأنتريه وغسلتهاا فى الغساله اول مره اعمل كده بس شابله هم تدخيلها ربنا يسهل

ربنا يباركلك فى ولادك ربنا يعينك كده باقى المسيح والفرش سهله هانت احنا بنحس بتعب فى الشغل بس ده بيحسسنا بالعيد

مبدعة غالية

انا هنا اهوه مشتركه معاكو فى التنطيف

أم البنين كتب:: انا لسه بروق ترويق عام وبكرة اعسل الستاير إن شاء الله

السجاد انا كنت غسلاه وطالع عينى فيه بمعنى الكلمة عيد الفطر ومش محتاج خالص .

ربنا معاكى انا بقه عكسك السجاد اللى اتغسل والستاير محتاجه تنفيض بس يللا ورونا المزيد من التقريرات
تسلمي يا قمر

أنا قايمه دلوقتى أغسل البطاطين علشان البيت كله يكون مفيهوش حاجه متشاله لبعد اليد عايزه شغل

فراشة المنتدى كتب:: أنا قايمه دلوقتى أغسل البطاطين علشان البيت كله يكون مفيهوش حاجه متشاله لبعد اليد عايزه شغل

ربنا معاكى يافراشة

انا الأولاد شاغلنى بخروف العيد الصوف

شغالة فى 3 خرفان ادعو لى أخلصهم علشان زهقت منهم بجد

اقتباس :: انا الأولاد شاغلنى بخروف العيد الصوف

ههههه ماهي احلى حاجة في العيد بالنسبة لهم

اقتباس :: شغالة فى 3 خرفان ادعو لى أخلصهم علشان زهقت منهم بجد

الله يبارك

الله يعينك فعلا الشغل ده متعب

أشواق كتب:: الله يعينك فعلا الشغل ده متعب

يارب بس هو مش شغل بأبر تريكو
دى طريقة جبتها من النت بجربها

هبقى اصورها لكم ان شاء الله

اقتباس :: هبقى اصورها لكم ان شاء الله

ان شاء الله

الحمد الله على نعمة العيد والله الفرحة لي نحس بيها في العيدين مو متل اي فرحة

اللهم تقبل منا

اقتباس :: انا الأولاد شاغلنى بخروف العيد الصوف

شغالة فى 3 خرفان ادعو لى أخلصهم علشان زهقت منهم بجد

ما شاااااااء الله برافو

قوليلى ايه موضوع الخروف الصوف ده أول مره أسمع عنه بصراحه اوصفيللى أو نزلى موضوع من الألف للياء الله يكرمك

وياريت تصوريه وانتى لسه بتشتغليه وهلحق أعمله أنا كمان ولا ايه ؟

فراشة المنتدى كتب:: ماشاااااااء الله قوليلى ايه موضوع الخروف الصوف ده أول مره أسمع عنه بصراحه اوصفيللى أو نزلى موضوع من الألف للياء الله يكرمك

جبت 3 شالات صوف ابيض وأسود واصفر وعملت منهم شكل خرفان بس طلعت مضحكة

بالنسبة للوصف مش عارفة هتوصلك الفكرة من شرحى ولا لأ

عملت الجسم الاول

انا جبت كرتونة بشكل مستطيل اد ثلثين الكف ولفيت عليهم جزء من شلة الصوف الابيض او الاصفر زى مل تحبى

وفضلت الف قدر منها سميك وبعدين بهدووووء نزعت الكرتونه منها ، وربطها من النص بحرص شديد ربطة قويه علشان متتفكش

كده بقت شبة الفيونكة ، جبت المقص وقصيت من اليمين والشمال المنحنيات علشان انفشها كده وتبقى زى الورده مدورة ده جسم الخروف وسويت الجوانب بالمقص علشان تكون متساوية....

وكدلك يالنسبة للرأس لكن بالأسود ومتنسيش الكرتونة اللى هتلفى عليها الرأس تكون أصغر النص ولما تبقى وردة وتسويها بالمقص خليها بيضاوى شوية

وبعدين شبكت الجسم والراس ببعض بالأبرة والخيط وممكن بدهان لاصق قوى لكن انا فضلت الخيط
وعملت له ليه صغيرة بنفس الطريق من لون الجسم

وعملت له أرجل ، من أصابع جوانتى قديم عندى حشيت كل صبع باقى الصوف المقصوص من التسوية وخيطهم الاربعة فى الجسم بتاعه من تحت

فراشة المنتدى كتب:: وهلحق أعمله أنا كمان ولا ايه ؟

مش عارفة بس مظنش هو بيعل شوية
النهاردة يوم عرفة خلاص كده الوقت داق علشان الدكر وكده

وورده

[quote]مش عارفة بس مظنش هو بيعل شوية
النهاردة يوم عرفة خلاص كده الوقت داق علشان الدكر وكده
or=#ff3399]سبحان الله والحمدلله ولا اله الا الله والله أكبر

يسلم ذووقك

ان شاء الله يطلععة كويسين والولاد يتبسطو بيهم

اقتباس :: سبحان الله والحمدلله ولا اله الا الله والله أكبر

ان شاء الله يطلععة كويسين والولاد يتبسطو بيهم

طلعوا كل واحد حجم وشكل

بس المهم انهم فرحو بيهم وخلاص

*****************

البيت بقى
الحمد لله غسلت الستاير وجهزت الفرش النظيف وبكمل ترويق للبيت كله
التلاجة بس اللى فلتت منى

ما شاء الله يا ام البنين حلوين كتير

إبداع

أشواق كتب:: ما شاء الله يا ام البنين حلوين كتير

بارك الله فيكى يا اشواق

ضحكتى طبعا لحد ماشبعتى...انا مرضتش اقول ممنوع الضحك لان اكيد وحتما ولابد من الضحك

كل واحد فيهم عينه رايحة فى حته غير التانية

لما بشوفهم بحس انى عايزة اضحك

احبك الله الذى احببتينى فيه

» تعالى على *سطح المكتب* وشوفى هيطلع معاكى ايه
» بصى انا معاكى بالراااااااااحه ....مبتلبسيش النقاب لييييييييه؟؟؟؟؟
» ركزوا معايا فى الصوره ده ..........فى يد كل منا معجزه
» خروف العيد ^^
» فرحة العيد