مغامرات ويوميات توتو ... تابعوني يا مبدعات ...متجدد دائما

ماما والاولاد داخليين من بره
الاولاد دايما يفتحوا التلفوزيون او الكمبيوتر اول ما يدخلوا



ماما: محدش يحط فيش

توتو : يعنى ايه
ماما : فيشة الكمبيوتر او التلفويون
توتو :ليه
ماما: علشان تغييروا هدومكوا و..............و................
خلصوا اللى عليكم الاول


.
.
شويه دخلت ماما
.
.
ماما : مين شغل الكمبيوتر
توتو:انت قلتى محدش يحط الفيشه
انا فتحته من زرار المشترك!!!!!!!!!






2- اشمعنا
ماما والاولاد داخليين من بره
كل واحد دخل على اوضته( حجرته) علشان ييغيير
توته جابت هدومها عند اوضت (حجرة) ماما ودخلت

ماما: لوسمحت ياتوته روحى البسى فى اوضتك
توته: ليه
ماما :كل واحد ليه اوضه
توته : طب ما أنا باسيبك تتفرجى على التلفزيون فى اوضتى
وكمان بتلعبى معايا هناك
وكمان......................و..........و............

ماما :خلاص انا رايحه الحمام





2-غلاسه
توته: لقيت القلم ده على الرض
ماما:حبيبتى وديه فى المقلمه
توته : خلى توتو يوديه
ماما :ماشى
توته :توتو ماما بتقولك ودى القلم ده فى المقلمه (اللى جنب الكمبيوتر)
توتو راح يودى القلم
توتو: كنت تودى القلم انت مادام انت رايحه حنب الكمبيوتر
توته :لازم تسمع كلام ماما

موقعاتى
(تيته(مامة ماما) دايما مش بتحلف
بس بتقول من غير يمين بس بالنسبه لها الكل عارف انه زى الحلفان
ولازم نتعلم منها
لانها كده لسانها مش بيغلط زى ناس كتيييير بعد ماتقول والله تكتشف اناه مش هتقدر تنفذ )
بصوا الموقف ده

تيته :توته لوحفظتى قرأن كتيير
من غير يمين هاجبلك موبايل

توتو : خلاص ياتوته تيته قالت من غير يمين (بيعيب على تيته )
توته : فعلا ياتيته هتجبيلى موبايل لوحفظت
تيته: طبعا من غير يمين هاجبلك
ماما: خلاص ياتوته تيته قالت من غير يمين ( بتبص لتوتو بتكرر كلام توتو و بتعيب على توتو )
توتو: الحقى ياتيته ماما بتعيب عليك
ماما جريت علىطول

مش نافع

ماما :ياولا مش ينفع نضرب بعض
توتو :دى مجرد ورقه باضرب بيها توته ومش بتوجع
ماما: الرسول كان بيضرب بسواك بس
توتو :خلاص
.
.
(توتو وتوته عمالين يضربوا بعض ب إيديهم)
ماما: اهدوا انا ب اكنس
.
.
توتو وتوته مسكو الزباله وعماليين يرموها ف الارض

ماما بتجرى وراهم ب المقشه (هتضربهم)
توتو: ماما لازم تضربى بالسواك بس
ماما: العصى لمن عصا

التنفيض سهل خالص

ماما بتنفض كل ما تدخل اوضه(حجره) تنفضها تلاقى توتو وتوته يروحوا وراها

ماما :هو انا كل ما اروح فى اوضه تيجوا ورايا
التراب خطر عليكوا
وعايزه اخلص
توتو: احنا اللى جينا هنا الاول
ماما بتجرى وراهم
توته بتحضن الدبدوب بتاعها
توته: امسكنى يادبدوب(علشان مش اضرب ماما)

يادى الاحراج ....عنده حق

العيله راحت تزور عيلة صديق
قضوا يوم لذيذ لعب و. اكل و..........و.........و...........و........
(خصوصا توتو كان مبسوط ولعب جيمز على الكمبيوتر جديده وكان بيلعب لوحده محدش عرف يحركه من على الكمبيوتر ).
.....واخر النهار......
خلاص ماشيين


ماما :يله يا توتو هنمشى
توتو :هيه هيه هييييييييييييييييييييييييييييييييييييييييييييييييه
اخيرا هانمشى ونسيب الواد المزعج ده (ابن الصديق)
والكمبيوتر اللى مش فيه لعبتى المفضله و.............و........و....



العيله



اظن ماما كانت عايزه

تسلم ايدك يازهره

علي الحكايات الجميييييييله دي

-اكتشاف
- توته اخدت علبة الكبريت وطلعت البلكونه وقعدت تلعب وترمى الكبريت المولع فى الشارع
.
.
.

وبعد شويه توته خرجت وقفلت باب البلكونه بإحكام
.
.
.
.وبعد شويه
الجيران :الحقوا غسيلكوا مولع
توته :كنت باشوف الغسيل ممكن يولع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماما

2- توته تانيه
ماما راحت الشغل
توته ولعت فى الملايه وبعدين نشرتها ع الحبل
طبعا الكسجين بيزيد الاشتعال ...

والجيران اتصلوا بماما و..................................


3




(توتو ده كبيييير فى سنه خمسه ابتدائى مثلا )

- توتو:طلعى البطاطس هى استوت خلاص
ماما :لاء لسه
توتو :طلعيها طلعيها طلعيها انا بقول استوت
ماما :خد دوق واحده
توتو: انت ليه مش سوتيها .....انا قلت لسه شويه


4-الحكم بالظاهر

توتو قام من النوم
توتو بيعيط
توتو: انا عايز اللعبه اللى شوفتها امبارح على النت
توته (اخته الكبيره)
توته : خلاص مش تعيط هدور عليها فاكر اسمها او اسم ال site بتاعها
توتو : اه بلاى
توته :blay
توتو: لاء
B جامده (p)
توته : يعنى play
هابحث
توتو: لاء المكان ده (site ) فيه 250 لعبه بس
لاء انا عايز التانى فيه كتيييييييييييييييييييييير
توتو: اهى العبه اللى انا عايزها اللى عليها مسدس
توته: العب بقى ومتعيطش
وتبقى تقابلنى لوعجبتك
..................بعد دقيقه
توتو:ايه اللعبه الممله دى
دى صورتها كانت تجنن
دى مافهاش ولا مسدس
توته: امال طلبتها ليه
توتو:و ايه درانى انها وحشه
انا شوفت صورة المسدس عجبتنى
توته :ده انت واد ............................. عيل
-------------------------------------------------------------------------------

5-غلطه لا تغتفر
توتو:فاكره ياماما الدانيت (زى الزبادى بس له نكهات)
ماما:ماله ياحبيبى
توتو: طلع بطعم الفانيليا وانت قلتى انه بالموز
ماما: مش مشكله انا بصيت على لونه كان اصفر (زى الموز)
توتو : لاء
مش باللون ياحبيبتى
بالصوره


6- كولمبوا(كرمبوا)

توته لقيت علبتين دانيت (زبادى) فى الزباله
.....................
توته: ماما مين اللى اكل العلبتين دول من غيرى
ماما: اكيد كانوا بايظيين
توته: اثبتى كلامك
ماما: شوفى اى علبه تعجبك ودوقيها
توته:دوقيها انت
ماما : ما انا عارفه انها بايظه ...........انا مش عايزه اثبات
توته: امال ليه فاضيين (العلب)
ماما: عملت بيهم ماسك لوشى................قولى حاجه بقى
توته : مهو وشك زى................................ما هو (فين مش باين)
طلعى الدانيت احسن لك
ماما: اول ما انت روحت عند عمك انتهزنا الفرصه واكلناه
انت مش اتبصت هناك



توته: كده بعتونى

انا بس روحت هناك علشان توتومش هناك



بابا داخل و بيضحك
بابا :عايزه حاجه ياتوته
توته :مش عايزه حاجه
بابا: ماانا مش هاجيب حاجه
بس قولى اللى انت عايزاه
نفسى عن اللى جواك


7- المقنع
بابا :انا خارج وهاخد معايا توتو
توته : ماما اشمعنا توتو لازم نخرج مع بابا
ماما:ليه
توته :علشان انا بنته برضه وانت مراته
ماما : روحى اقنعيه
توته :بابا لازم اروح معاك
بابا :اقعدى العبى على الكمبيوتر
توته :ماما بابا بيعرف يقنع اوى
انا هاقعد فى البيت



8-مش هاقوم
النور قطع
ماما : توته افتحى الشباك
توته :وانا مالى
ماما:معلش علشان ينور لنا اكتر
توته: مش شايفاه
ماما :احنا بالنهار

توته : مش طايلاه (حتى من غير ما تقوم )

موقف لا تحسدى عليه
انا باقول لاولادى ان ربنا مدى لنا اجازه كل شهر للسيدات
وهو اللى امرنا بكده
لانى لو قلت انى تعبابه قوى
لوجلهم انفلونزا مش هيرضوا يصلوا

شكرا

بصى دى
توتو :ماما انت مش بتصلى ليه
كده هتروحى النار
ماما: الايام دى تعبانه اوى مينفعش اصلى فيها
........................
ماما:توتو انت مش بتصلى ليه
توتو : عندى انفلونزا

شكرا اى حد عنده قصة
اديهالى اكتبهاله

انا حاسه ان مافيش حد بيقرا الموضيع لما باضيفها على القديمه
زى ما يكونوا فاكرين انى باكتب ردود .........مش جديد
انت بس اللى بتردى على؟؟؟؟؟؟؟؟؟

اقتباس :

بس سؤال يا زهرة اللى انتى كتباه (من مغامرات توتو)ده كله بيحصل ليكى انتى واولادك ولا موضوع عادى ؟؟؟؟؟

اليوميات بعضها اولادى عملوها فعلا
وبعضها الناس حكوها لى
وبعضها عملتها انا وانا صغيره
وبعضها انا طورته علشان يضجك
بمعنى موقف الموبايل ..........ابنى الصغير فعلا عملو لكن مش كان موبايلى
كان موبايله هو و ما كانش فى حوار هو جابه بعد ما بقى حثه هامده وقالنا ببراءه هو ليه مش بيشتغل ومقالش انه نضفه ولاحاجه ........انا كنت نسيت الاحداث بالضبط
زى موقف الاولويز مثلا ..........اللى انا كنت بتكلم مع مسلمه فيه
بعده تخيلت انه لو حصل ممكن اكتبه ازاى
بأختصار فى حصل وفى محصلش ....وانا اكتب الكلام بأسلوبى


المهم انت يعنى مش عندك اى موقف تحكيه
ارجوكم شاركو
او انا هأمل

اقتباس :

قالت لى ..ايه معلشى دى
أومى اتصرفى
هو انتى بتحبى تريحى نفسك

هى دى توته اللى بدور عليها
ربنا يحفظها لك
انت الوحيد اللى بتشاركينى الحوار

ايه الموضوع الروعه ده

ما شاء الله لا قوة إلا بالله تبارك الله

ربنا يبارك فيكي يا زهره يا رب

الاطفال بتبأه ليهم مواقف تحفه

بصي يا ستي الحكايه دي سمعتها من وحده حصلت من ابن اختها( توتو )

كانت قاعده هي واختها بيتكلموا عن النت وكده ... وتوتو قاعد معاهم سامع الحوار

هفترض ان اسمهم شهد وعهد ( عاجبني الاسمين علشان ماشيين مع بعض )



شهد : عملت امبارح شاتوه وطلع تحفه

عهد : عرفتي طريقته ازاي ؟؟؟

شهد : دورت عليه في جوجل



عهد :انا بأه اشتريت حتة فستان شيك اوي علشان احضر فيه فرح صحبتي ... من محل سعره روووووعه


شهد : وعرفتي المحل ازاي ؟؟؟

عهد : دورت عليه في جوجل



شهد : عملت امبارح ماسك لوشي ..انما ايه نتيجته تحفففففه

عهد : وجبتي طريقته منين ؟؟؟

شهد : دورت عليه في جوجل

الاختين خللصوا كلام

وبعدين وهما ماشيين شهد بتسأل عهد امال شنطتي فين

رد عليها توتو بكل براءه قال لها : خالتو خالتو ...دوري عليها في جوجل



الولد المسكين لما سمع الحوار حس ان اي حد عايز حاجه يدور عليها في جوجل هههههه