مغامرات ويوميات توتو ... تابعوني يا مبدعات ...متجدد دائما

اقتباس :

انا هقولكم توتة بنتى بتقولى ايه
بتقولى انتى يا ماما ما صلتيش ليه النهاردة
هو انتى مش عارفة اللى ما بيصليش بيدخل النار ويتحرق
قلت لها معلشى يا حبيبتى ..
اصل انا تعبانة اوى تعب بيجى للبنات الكبار يخليهم مش يصلو وربنا مش بيزعل منهم
قالت لى
هو انتى يا ماما حاطة اوليز <<اصدها اولويز >>
قلت لها اه
قالت لى طيب ماشى عشان كده
هههههههه
طبعا سكت
ايه رأيكم

اقتباس :

موقف لا تحسدى عليه
انا باقول لاولادى ان ربنا مدى لنا اجازه كل شهر للسيدات
وهو اللى امرنا بكده
لانى لو قلت انى تعبابه قوى
لوجلهم انفلونزا مش هيرضوا يصلوا

ههههههههههههههههههه

هههههههههههه

ههههههههه

موتوني من الضحك وخصوصا زهره
لو قالت لولادها انها تعبانه
علشان كده ما بتصليش

لو جالهم انفلونزا مش هيصلوا

هههههههههههه

ربنا يسعدكم دنيا وآخره يا رب

الاولاد فعلا بيتلككوا

بصوا بأه الموضوع شكله لذييييييذ اووووووووي

قريت منه شويه وضحكت جدا بس دلوقتي الوقت اتأخر
وان شاء الله هنام وهكمله الصبح ان شاء الله

اصله عايز قراءه على روقاااااااااااان

بجد تسلم ايدك يا زهره

فكرته روووووووووعه ما شاء الله لا قوة إلا بالله

والمواقف كلها ظريفه اوووووووووووي

تسلم ايدك يا قمر

اقتباس :

ما فكرتيش تكتبى قصص قصيرة

اكتبها فين ؟؟؟
وتقترحى موضوعات ايه مثلا
يا مسلمه
بس فكرت اعمل كتاب للمغامرات دى وطبعا بستاذنكم انى اكتب حكاياتكم للى يسمح
بس لسه ......دى مجرد فكره ........صعبه التنفيذ جدا
بس بما انك سألتى
نفسى المواقف دى يعملها حد فى كارتون اسلامى او مسلسل
بس مش عايزه الناس التانيه ياخدوها

2-

اقتباس :

شهد وعهد

بعد اذنك هاخد الاسماء دى فى شخصياتى
لوسمحت
وكوكو كمان
حكاياتك غلبت حكاياتى
هتزعلى لو اخدتها حطتها ع الفيس او فى كتابى لوعملته (طبغا فى المشمش)
(لو رفضتى عادى )

توتو لابس لبس المدرسه

توتو: طنط طنط ممكن تعدينى الشارع
اصل ماما اتاخرت عليا وعايز اروح لوحدى

طنط: بس انهارده السبت مفيش مدارس
توتو : لاء فيه
............................
طنط عدت توتو وروحت البيت
...........................
طنط: محدش شاف الانسيال بتاعى
انا متأكده انى كنت لبساه
قبل ما أعدى توتو

(ولغاية دلوقتى مش لقيين توتو )
بجد حصل

زهرة الياسمين كتب:

اقتباس :

ما فكرتيش تكتبى قصص قصيرة

اكتبها فين ؟؟؟
وتقترحى موضوعات ايه مثلا
يا مسلمه
بس فكرت اعمل كتاب للمغامرات دى وطبعا بستاذنكم انى اكتب حكاياتكم للى يسمح
بس لسه ......دى مجرد فكره ........صعبه التنفيذ جدا
بس بما انك سألتى
نفسى المواقف دى يعملها حد فى كارتون اسلامى او مسلسل
بس مش عايزه الناس التانيه ياخدوها

2-

اقتباس :

شهد وعهد

بعد اذنك هاخد الاسماء دى فى شخصياتى
لوسمحت
وكوكو كمان
حكاياتك غلبت حكاياتى
هتزعلى لو اخدتها حطتها ع الفيس او فى كتابى لوعملته (طبعا فى المشمش)
(لو رفضتى عادى )

فكرة الكتاب روووووووووعه يا زهره

ما شاء الله لا قوة إلا بالله تبارك الله

وكمان لو كارتون اسلامي زي ما قلتي كده هيبقى دمه خفيف اوووووووي



بالنسبه بأه للاسامي شهد وعهد
تحت امرك طبعا وكوكو معاهم ولو عايزه مامتهم وباباهم كمان ما عنديش اي مشكله ههههههه



عارفه يا زهره لما شهد وعهد عجبوكي
جات لي فكره اني اعمل سيرش عن الاسماء المتشابهه اللي زي كده
وانزله موضوع للي عايزه تسمي اولادها مثلا اسامي شبه بعض
او عايزه اسماء متشابهه لاي حاجه زي كتابك كده ان شاء الله



وبالنسبه للحكايات

لا طبعا ما غلبتكيش ولا حاجه ...دا انت الاصل يا باشا

دا انا كل شويه ادخل الموضوع اقرأ فيه شويه واقعد اضحك
وكمان بحكيهم لزوجي واضحكه معايا
ووصلت دلوقتي لغاية صفحة 5

وطبعا خايفه اعمل رد على كل مشاركه بتعجبني
فتلاقيني محتله الموضوع كله لوحدي

لذلك بعمل لك تقييم + يا قمر



وبالنسبه لكتابة الحكايات بتاعتي في الفيس بتاعك او كتابك
ده شيءيسعدني وطبعا موافقه

وكمان هقول للولاد ان شاء الله ( كوكو وتوتو الحقيقين ) علشان افرحهم

هقولهم خلاص افرحوا هيتكتب عنكوا
وهتدخلوا التاريخ من اوسع ابوابه



ربنا يوفقك يا قمر في الكتاب وينفع بيه
ويجعله سبب لادخال السرور على المسلمين

وما تنسيش تحتسبي الاجر وتنوي زي ما كتبتي في اول الموضوع انه تجنب للكذب عند اضحاك الناس

ربنا يجعله في ميزان حسناتك

ويؤجرك على نيتك الصالحه دي

مش لاقيه رد احسن من انى احبك فى الله
وشكرا على تغيير العنوان تابعوني يا مبدعات ...متجدد دائما

انا حيرانه
فى مواقف دلوقتى بيحصل نصها او جزء منها
وانا علشان اققفلها باتخيل نهاينها
زى موقف الاولويز
ولادى ماقالوش كده
بس انا توقعت ممكن يقولوا ايه
هل كده ابقى انا كدبت ؟؟؟؟؟؟؟؟؟؟؟
حاسه انى خرجت من الاطار اللى كنت نفسى ادنى فيه
حتى نفسى اتسدت انى اكتب
فى ناس قالولى
لوقلتى ان فيه جزء خيالى والناس عرفوا كده يبقى خلاص
؟؟؟؟؟؟؟؟؟
انا ضميرى وجعنى
وفى نفس الوقت فعلا جزء كبير حصل من الموقف بس انا قلته بطريقتى ؟؟؟؟؟؟؟؟
حد عنده اجابه؟؟

ياريت تضمى للموضوع ده يوميات زوج وزوجه
والاسم الجديد يبقى
مغامرات ويوميات توتو والعائله

ريمه :دفعت كام فى المشترك ده..
ريمو: 50 جنيه..
ريمه: ده ما يسواش غير 10 بس..
ريمو: ايوه الراجل ادانى الباقى 40..

(ريمه صاحبتها سوسو مدرسه
ريمه راحت لسوسو لقتها بتسلم الكتب)
سوسو: اسم بنتك ايه وفى سنه كام ..
الوالد(محمد احمد): انجى محمد احمد وهى فى سنه تالته..
سوسو : مفيش حد بالاسم ده فى كل سنه تالته....
الوالد: اه اصل احنا غيرنا لها اسمها فى شهادة الميلاد بقى جنى .... اصل جنى على الموضه....
سوسو : يعنى السنه الجايه هيبقى اسمها
تامر حسنى......

(فى المترو ريمه وهى مروحه حصلها الاتى)( التذكره بتاعة المترو بتصفر)
ريمه: لو سمحت دخلنى ...
عامل بوابة المترو : التذكره قطعاها دلوقتى ...
ريمه : كل يوم الصبح بأقطع تذكرتين ..... دى التانيه...
عامل بوابة المترو: يعنى دى من الصبح يامدام ............تبقى حمضت

(ماما عيانه بتاخد حقنه جوه الاوضه ...بعد ما خلصت ...)
توتو: انت اخدت حقنه دلوقتى.....هى بتوجع ..
ريمه:بتوجع اوى اوى اوى اوى...
توتو: امال مش سمعت صويت ليه...

توتو ده جامد اخر حاجه
حلوين اوووووووووووووووووووووووووووى

مره ماما بتعلم ابنهاعبد الرحمن يكتب اسمه
بودى فى سنه اولى ابتدائى
بودى مبيعرفش يكتب اسمه المهم كل يوم فى المدرسه المس بتزعقله انت مبتكتبش اسمك ليه فروح بودى البيت وعيط لماما ماما قلتله متزعلش هعمل الاكل ونكتبه مع بعض ماما قعدت ساعه اتنين تلاته وبودى مش عارف يكتب ماما بصتله وقالتله يقطعنى يا حبيبى يارتنى سمتك تامر

على فكره انا ابنى اسمه عبد الرجمن وبيكتبه عربى وانجليزى وبرده كرهت انى سميته اسم طويل جدا كده فى باية تعليمه اسمه.....ابنى التانى اسمه تلات حروف بس ......يابخته

فكرة راائعة جدااا
مشكووورة زهرة الياسمين على الفكرة الجميلة

(تيته...(مامة ماما) .....دايما مش بتحلف
بس بتقول من غير يمين(حلفان) بس بالنسبه لها الكل عارف انه زى الحلفان
ولازم نتعلم منها
لانها كده لسانها مش بيغلط زى ناس كتيييير بعد ماتقول والله تكتشف انها مش هتقدر تنفذ )
بصوا الموقف ده
===============

تيته :توته لو حفظتى قرأن كتيير
من غير يمين هاجبلك موبايل

توتو : خلاص ياتوته تيته قالت من غير يمين.......... (بيعيب على تيته )
توته : فعلا ياتيته هتجبيلى موبايل لو حفظت
تيته: طبعا من غير يمين هاجبلك
ماما: خلاص ياتوته تيته قالت من غير يمين ( بتبص لتوتو و بتكرر كلام توتو و بتعيب على توتو )
توتو: الحقى ياتيته ماما بتعيب عليك
.....
,
,
,
,ماما جريت على طول

فى عيد الام
ماما :هاتى ياتوته اربعه جنيه اجيب هدية عيد الام
توته:ليه يعنى كل ده ؟؟؟وبعدين ده انا اللى مامتك ....يعنى انت اللى تجيبى لى هديه
(بعد شويه ....)
توته :ماما هاتى لى اشرب ...
ماما :مش انت مامتى .....هاتى لنفسك تشربى
توته :ايوه انا مامتك ......بس انت تجيبى لى اشرب علشان انت الكبيره


(المهم )



توتو فى عيد الام ماما اخدته وجابو مح لتيتى وماما اديته الفلوس يدفع ويستلم (عشان يتعود يعتمد على نفسه)
توتو اخد المج بسرعه وجرى بره المحل
وماما خرجت وراه بسرعه
توتو : اه اه اهىء اهىء اهىء ....المج انكسر اه اه اهىء اهىء اهىء اه اه اهىء اهىء اهىء اه اه اهىء اهىء اهىء اه اه اهىء اهىء اهىء .................................
ماما : خلاص يلا نجيب مج تانى علشان تيتى....بس اوعى تجرى تانى

(جابو مج2..... وراحت ماما تدفع .......الراجل كان عارف ان توتو معاها ادى المج 2 لتوتو
توتو اخد المج2 بسرعه وجرى بره المحل..........
....وماما عقبال مادفعت خرجت وراه بسرعه........كان توتو وقع والمج2 اتكسر)
ماما :يله نروح مافيش هدايا
توتو :انا اسف ....مش هاعمل كده تانى...مش هاجرى
ماما :ابدا ابدا
توتو:خلاص هادفع من مصروفى تمن المج (اول مره يدفع حاجه .....فى كده تعليم الاعتماد على النفس)
ماما:بس اوعى تجرى..

(جابو مج3..... وراحت ماما تدفع وراحو لغاية السلمه اللى قبل الاخيره عند تيتى ......والمج 3انكسر)
توتو:على فكره يا تيتى انا جبت لك 3 مجات ...
تيتى :فين ؟؟..
توتو:البقاء لله..







ريمه :توتو لوسمحت انزل جيب لى عصير قصب (ضغطى واطى)
توتو :حاضر...
(توتو رجع من غير حاجه)
ريمه: فين العصير ؟؟
توتو :وقع منى وفرقع الكيس
ريمه :خد فلوس تانى وجيب عصير لحسن تعبانه
(توتو رجع من غير حاجه للمره التانيه)
ريمه: فين العصير ؟؟
توتو :وقع منى وفرقع الكيس
ريمه:ازاى .....معقول مرتين يفرقع كده ...فى حد جرى وراك مثلا ولا ايه اللى حصل
توتو: انا بامشى على الرصيف من فوق الطوب العالى ....وفى طوبه ناقصه كل ما انط علشان اوصل الناحية التانيه العصير يقع ويفرقع 
ماما :اجرى خد من مصروفك وانزل جيب عصير .....بسرعه
(توتو رجع بكيس العصير سليم )
ماما :اشمعنا رجع العصير سليم المره دى
توتو :اول ما شوفت الطوبه الناقصه حطيت العصير على الارض ونطيت وبعدين رجعت جبت العصيرمن على الارض 