حملة يللا ننضف أول بأول .......ونخللى البيت يتكلم من كتر النضافه

بصوا يا مبدعات

عايزه تشجيع جامد أوى من كل العضوات هنا علشان نقدر نستمر فى الحمله ده وعايزه كل لما حد فينا يبدأ يكسل التانى يشجعه

الحمله هى كالتالى

أولا نودع الكسل وندعى دايما (اللهم انى أعوذ بك من الهم والحزن وأعوذ بك من العجز والكسل)

تمام كده قولوا تمام ...

ثانيا نستعين بالله ونلف لفه فى الشقه اللى عايز تصليح نجيب حد يصلحه

سباكه بايظه نصلحها

نجاره نجيبلها نجار

بيتك ناقصه حاجه مهمه هاتيها

حملة يللا ننضف أول بأول .......ونخللى البيت يتكلم من كتر النضافه Attachment

حملة يللا ننضف أول بأول .......ونخللى البيت يتكلم من كتر النضافه Attachment

بصوا مش هكمل غير لما ألاقى كل المبدعات بيشجعونى

وأنا هنا على فكره زعيمة الكسل وأول واحده هديله بال....

اقتباس :: نستعين بالله ونلف لفه فى الشقه اللى عايز تصليح نجيب حد يصلحه

أيوة كدة هو ده اللى نفسى اعمله من زماااان
أنا معاك يا فراشة مش هسيبك

أم البنين كتب:

اقتباس :: نستعين بالله ونلف لفه فى الشقه اللى عايز تصليح نجيب حد يصلحه

أيوة كدة هو ده اللى نفسى اعمله من زماااان
أنا معاك يا فراشة مش هسيبك

يللا يا أم البنين كلك حماس عايزين باقى المبدعات

يللا يا ماما فراشة انا معاكى

أمبارح بعد ما طلعت من المنتدى أخدت لفتى فى الشقة وحددت المطلوب

وفوووووووووورا ، بدأت .....

قمت رتبت المطبخ وشلت الأدوات الظاهرة فى مكانها ولميت لعب الاولاد بعد ما ناموا.....وروقت الشكل العام

وكنت ناوية اعمل أهم حاجة.....غسل المواعين بس كنت مستوية خااااااالص وعاوزة أناااااااااااام حملة يللا ننضف أول بأول .......ونخللى البيت يتكلم من كتر النضافه 21_210

حملة يللا ننضف أول بأول .......ونخللى البيت يتكلم من كتر النضافه 21_210

يلا تشجيع أحسن هكسل كدة...

أم البنين كتب:: أمبارح بعد ما طلعت من المنتدى أخدت لفتى فى الشقة وحددت المطلوب

وفوووووووووورا ، بدأت .....

قمت رتبت المطبخ وشلت الأدوات الظاهرة فى مكانها ولميت لعب الاولاد بعد ما ناموا.....وروقت الشكل العام

وكنت ناوية اعمل أهم حاجة.....غسل المواعين بس كنت مستوية خااااااالص وعاوزة أناااااااااااام

يلا تشجيع أحسن هكسل كدة...

بصى يا قمرايه يا قلب فراشه لسه الجاى أحسن هخليكى مش قاعده دقيقه فاضيه ان شاء الله هخللى حب شغل البيت يجطرى فى دمنا

مسلمة وأفتخر كتب:: يللا يا ماما فراشة انا معاكى

اوووووووكى يا قلب ماما فراشه من جوه

عايزه تشجيع فى الموضوع من أم العيال وعزى ايمانى وكل الجروب علشان نكون مجموعه

ومتزعلوش منى الجروب مش هينفع اساسا من غير محبوبة الجماهير أم عبدالله

بجد شجعتينى يا ام البنين
بس فعلا زى ما قلتى يا فراشة لازم ام عبدالله معانا
الموضوع مش هيبقى له طعم من غيرها
انا بأه دلوقتى باعمل محشى كرنب
وانا باعمل فىا لمحشى قمت على المطبخ طلعت الادراج ومسحتها ونفضتها
ورصيتها
وبعدين جبت علب البهارات
فضيت اللى فيها على كيس
وقمت غسلتها
ومستنياها تنشف عشان ارجع البهارات فيها تانى

برافو عليكى يا مسلمة
أيوة كدة
فراشة أكيد هتفرح أوى

معلشى
اصل انا مزروعة فى المحشى
خلاص هأوم اسويه بأه
اتفضلو معانا
طبخ

مبدعة غالية

وكمااااااااااااان بتنضفوا البيت من غيري

ماااااااااااااااشي

مش كفايه حملة الاستغفار

طييييب Wink

اقتباس :: ومتزعلوش منى الجروب مش هينفع اساسا من غير محبوبة الجماهير أم عبدالله

اقتباس :: بس فعلا زى ما قلتى يا فراشة لازم ام عبدالله معانا
الموضوع مش هيبقى له طعم من غيرها

ربنا يخلليكم ليا يا رب يا فراشه انتي ومسلمه
وما يحرمنيش منكم ابداااااااا

انتوا الخير والبركه يا قمرات

المهم بأه يا فراشتنا انا يا اختي سبقت وعملت الحمله دي بس فشلت بعد الشر عن حملتك

والرابط اهه

https://akhawat.ahlamontada.com/t1808-topic

اما عن اسباب الفشل حتى تتجنبيها

اصلي انا مش شديده زيك كده

انا بقعد اطبطب وادلع

والامور دي عايزه شده

ياللا انا معاكم ان شاء الله لاني بجد محتاجاها جداااااااااااا

البرد اللي عندنا مخلليني مش قادره اتحرك وانا سايبه البيت بقالي فتره عامله اني مش واخده بالي

الف الف الف حمدالله على سلامتك يا غاليه والله غاليه

أهو كده الكلام ولا بلاش أم عبدالله يا بلاش واحده غيرها ماتنفعناش

وبكده ننطلق على بركة الله

حملة يللا ننضف أول بأول .......ونخللى البيت يتكلم من كتر النضافه Attachment

هنا ان شاء الله هتلاقى معانا اللى يخليكى تقومى تنضفى وانتى حابه تنضفى مش مجبره تنضفى بيتك

اقتباس :: معلشى
اصل انا مزروعة فى المحشى
خلاص هأوم اسويه بأه
اتفضلو معانا

أيه أخبار المحشى يا مسلمة ؟؟عرفتى تتشتغلى فى البيت ولاشطب عليكى خلاص

اقتباس :: بقالي فتره عامله اني مش واخده بالي

انا كمان كنت عاملة زيك مش واخدة بالى
بس فراشة لفتت نظرى
ههههههه

اقتباس :: أيه أخبار المحشى يا مسلمة ؟؟عرفتى تتشتغلى فى البيت ولاشطب عليكى خلاص

شطب عليا والله يا ام البنين
وبعده تبت وندمت وعزمت على الا اعود لعمل المحشى
مش قبل 6 شهور على الاقل
هههههههه

حملة يللا ننضف أول بأول .......ونخللى البيت يتكلم من كتر النضافه Mirabasmlehhf4by5

بصوا بقه يا مبدعات يللا بقه نسيبنا من الهزار وندخل فى الجد

صلوا عالنبى

اخصى عليكى يا أم البنين مسمعتش صلى عالنبى يا مسلمه صلوا عالنبى يا أم عبدالله ويا كل المشتركين صلى الله عليه وسلم

بدأنا بالصلاة عالنبى لتتنزل الرحمات نخش بقه فى الموضوع

يللا يا مبدعه انتى وهيه خشى عالمطبخ حالا وخدى معاكى كيس كبير آآآآدى الدنيا على رأى علياء بنتى

وبعدين تفتحى الكيس برااااااااااااحه عليه علشان بعد كده هيتمرمط فى المطبخ من كتر اللى هيكون فيه من الكركبه اللى موجوده ايشى فى الضلف

وايشى تحت الحوض

وايشى فوق المطبخ

وايشى فوق التلاجه برده ميمنعش

افتحى بقه يا قمرايه أول حاجه ضلف المطبخ استعينى بالله وجمدى قلبك

على عملية وأد الكركبه اللى هتعمليها وبلا رحمة وبكل قسوه ارمى كل عزيز وفى نفس الوقت ملوش لازمه

بداية من البرطمانات اللى قاعدين نجمع فيها عالفاضى والمليان وعلب معرفش ايه وصينيه مكسور منها حته صغيره بس مستخصره ترميها طب بالله عليكى انتى تقدرى تستخدميها او تقدميها للضيوف لو كانت الاجابه لالالالالالا على طول ارمى فى الكيس

مثلا حاجه قدمت وانتى جبت بدالها ورحت شليله القديمه طب ده بقت اسمها قديييييييمه شايلاها ليه

يا ستى لو مستحرمه ترميها اديها لأى حد محتاجها ولو انى حاسه معادشى عاد محتالج الكل عنده اللى مكفيه

المهم مش عايزين نرغى كتير خلينا فى الجد بلاش ضحك يا أم البنبن احنا مبنهزرش

المهمو بعد ما تتخلصى من كل الكراكيب اللى فى المطبخ حته حته

تروحى ماسكه الضلف ملمعاها مش هقولك انا ده مش شغلتى ادخلى عى مواضيع ماما مملكه هنا فى القسم الخاص بيها

وعلى مواضيع الغاليه أم عبدالله وانتى هتعرفى طرق التنضيف القويه وكيفيتها

بصوا مش هكمل لغاية ملاقى تفاعل معايا

اقتباس :: بداية من البرطمانات اللى قاعدين نجمع فيها عالفاضى والمليان وعلب معرفش ايه

مش قادرة يافراشة مش قادرة والله بجد مش بهزر
قولولى أعمل أيه؟؟؟ حملة يللا ننضف أول بأول .......ونخللى البيت يتكلم من كتر النضافه 1612_md_13294077241

مش أد الخطوة دى

مبدعة راقية

اقعدى مع نفسك شويه وحاولى تقنيعيها
انا عارفه انه صعب
الاول امسكى نوع واحد انت مخزناه
اسئلى نفسك بالراحه
مثلا البرطمانات ::::
انا باستخدمها فى ايه؟؟؟؟؟
فى ناس بيعملوا فيها مخلل (لو كبيره)او مربى او بيحطو فيها (توابل او الحاجات الصغيره )
المهم جوبى على نفسك
انا محتاجه بالكتييييير اوى كام برطمان فاضى ؟؟؟
الاجابه مثلا 2
خلاص حطيهم فى شنطه وممكن تديهم للعطار مثلا لحد بيبيع حاجات محتاجه حاويات(على فكره ساعات بيبقى فى ناس محتاجها وهو عارفهم هيدها لهم )(وممكن يدعولك)
===========--------------
بعد ما تهدى وتنسى ان انت رميتى البرطمانات
ادخلى على حاجه تانيه واقنعى نفسك الاول
وياريت تبداءى بالحاجه اللى انت ممكن ترميها اسهل
======------
يعنى مش لازم فى نفس اليوم لو لاقيه الموضوع صعب عليك
اعتقد ان حملة التنضيف
هدفها النضافة والتخلص من ..............
وممكن تعملى جدول للحاجات اللى عايزه تتخلصى منها علشان مش تنسى
والله المستعان الدعاء للجميع
ادعو لبعض وليه

اقتباس :: فى ناس بيعملوا فيها مخلل (لو كبيره)او مربى او بيحطو فيها (توابل او الحاجات الصغيره )
المهم جوبى على نفسك
انا محتاجه بالكتييييير اوى كام برطمان فاضى ؟؟؟

عند حق يا زهرة هما كام برطمان كفاية

اقتباس :: خلاص حطيهم فى شنطه وممكن تديهم للعطار مثلا لحد بيبيع حاجات محتاجه حاويات(على فكره ساعات بيبقى فى ناس محتاجها وهو عارفهم هيدها لهم )(وممكن يدعولك)

والله يازهرة لما الواحد بيفكر بالشكل ده بيطلع من أغلى ما عنده

بس هى الحملة وقفت ولا أيه؟؟؟؟
مفيش تفاعل
فين فراشة؟؟

اقتباس :: اقتباس:
بداية من البرطمانات اللى قاعدين نجمع فيها عالفاضى والمليان وعلب معرفش ايه

مش قادرة يافراشة مش قادرة والله بجد مش بهزر
قولولى أعمل أيه؟؟؟
مش أد الخطوة دى

ههههههههههه
انا اللى مش قادرة يا ام البنين
عسسسسسسل
ههههههه
اروح اكمل بأه

يللا يا فراشة انتى فين
فين اخبارك
وصلتى لغاية فين
انا معاكى
بس انا بأه غيريا ام البنين
انا باعشق ارمى الحاجات
ما باخليش
اى حاجة ما لهاش لازمة ارمى من غير تفكير

أنا معاكو بس كنت مستنيه تفاعلكم

على فكره احنا دلوقتى لسه فى المطبخ بعد كده هندخل عالاود والحمام واليسبشن او الصاله يعنى

المهم نكمل المطبخ

يارب تكونوا جمدتوا قلبكوا وقدرتوا تتخلصوا من القيود اللى فى المطبخ وكلام زهرة عين العقل فكرى فيه هتقدرى فعلا تجمدى قلبك وترمى

المهم بعد ما رميتى كل حاجه من الضلف مش محتاجاها

تعالى بقه عالاجهزه اولا الخلاط امسكى شوية خل باى منظف مواعين عندك وبلى قماشه وامسحى هيبرق تروحى بعد كده ماسكه كل الاجهزه اللى عندك الكبه والمضرب الكهربائى وكل اللى عندك منضفاه وملمعاه وتروحى بقه رصاهم فى ضرفه تعملى ضلفه مخصوص للأجهزه كده تحسى بالنظام اكتر طبعا اكيد انتى لمعتى الضلفه من جوه وفرشتيها مفارش بلاستيك او اى نوع تحبيه

بعد كده هتمسكى ضلفه ضلفه تنضيف وتلميع وترصى بقه واحده للكوبيات والكاسات والحاجات اللى بتستخدميها دايما ده بتكون غير اللى فى النيش طبعا

وضلفه مثلا لطقم البيركس او الميلامين اللى بتستخدميه فى المطبخ

وكل واحده بقه على حسب ما تحب المهم عايزين نطلع من كل ده لا للكركبه

لا للبرطمانات يا أم البنين جمدى قلبك شويه انا عارفه الضنى غالى ههههههه

بس مصلحتك أولا هههه

بعد كده ندخل بقه على أدراج المطبخ تمسكى درج وترمى منه كل اللى ملوش لازمه مثلا هتلاقى طبعا درج من اياهم كله اكياس ممكن تستخدمى طريقة مسلمه لتنظيم الاكياس ولو مش عايزه ممكن تعملى شنطه قماش تخيطيها على ايدك يكون شكلها شيك وتعلقيها فى البطبخ وترمى فيها كل الاكياس اللى بتستخدميها فى جمع الزباله او فى اى غرض تانى وبكده هتكون قريبه من ايدك على طول

وبعد ما تتخلصى من اى كراكيب برده تلمعى الادراج وتفرشيها وترصى كل حاجه على نضافه بس أما نه يا أم البنين تخلصى من الحاجات اللى ملهاش لازمه
تقريبا كده خلصنا من المطبخ بعد كده اكيد هتمسكى الحيط تغسليه والارض تمسحيها والبوتاجاز تغسليه وتنضفيه كويس

الخلطه بقه اللى بستخدمه لازالة الدهون اللى عالبوتاجاز واللى عالسيراميك وكل دهون الشفاط واى دهون فى المطبخ او اى صدى

ربنا يباركلى فيها ام عبدالله هى اللى قالتلى عليها

معلقة ملح ليمون (بيتباع عند العطار) على ملعقة كربوناته او بيكربونات يعن على شوية خل
ياريت لما تحطيهم على بعض تضيفى طبعا عليهم مايه ويكون فى زجاجه لانه بيفور عند الخلط

يارب اكون قدرت اوصلكم فكرتى الاساسيه اللى هى ارمى ولا يهمك

المره القادمه ان شاء الله هقولكم عملت ايه فى الدولاب وحكايتى مع الهدوم الجديده والقديمه اللى مبستعملهاش ودولابى اللى مكانش بياخدهدوم علشان عباره عن شماعات وملوش رفوف

وحكايتى مع تسريحتى اللى كل حاجه متبعتره عليها أقصد كااااااانت متبعتره عليها

وحشتينا يا فراشة
حمدالله على سلامتك يا قمر
بس انا عايزة اقول عشان ما نحسش انه الدنيا هتبقى صعبة
زى ما اتعلمت من مواضيع ماما مملكة
اننا نمسك حاجة حاجة عشان ما نحسش ان الدنيا صعبة ونتعب فى نص الطريق
يعنى مثلا النهاردة هنمسك ادراج المطبخ بس
مع تنضيف الشقة العادى وشغلنا العادى اليومى
بكرة نمسك الضلف وهكذا
وبكده ما نحسش بالتعب ونقدر نستمر ونواصل
هنستناكى يا قمر
باسلوبك اللى زى القمر زيك
اه نسيت حاجة

اقتباس :: تعالى بقه عالاجهزه اولا الخلاط امسكى شوية خل باى منظف مواعين عندك وبلى قماشه وامسحى هيبرق

لو عندك فرشة اسنان قديمة تنضفى بيها هيكون اسهل اوى وكمان هينضف لك الخطوط اللى ما بتقدريش توصللى ليها بالقماشة

مبدعة راقية

اقتباس :: اولا الخلاط امسكى شوية خل باى منظف مواعين عندك وبلى قماشه وامسحى هيبرق تروحى بعد كده ماسكه كل الاجهزه اللى عندك الكبه والمضرب الكهربائى وكل اللى عندك منضفاه وملمعاه

الحمدلله أنا قمت بالمهمة دى تمام ..بس جديدة حكاية الخل دى هبقى أجربها

اقتباس :: لا للبرطمانات يا أم البنين جمدى قلبك شويه انا عارفه الضنى غالى ههههههه

بس مصلحتك أولا هههه

ماشى يافراشة هدوس على قلبى حملة يللا ننضف أول بأول .......ونخللى البيت يتكلم من كتر النضافه 1712_md_13295188261

وأمرى لله ....ههههههه

مبدعة نشيطة

حمله روووووووووعه
بارك الله فيكم
واستفدت كتييييييير منك يا فراشه
وانا كنت نفس حالة ام البنين كده بس الموضوع خف عندي شويه بالصبر والمثابره
هههههههههههه
فاصله ورده

ماما جت زارتني مره ودخلت المطبخ
ومش عايزه اقول لكم طلعت منه اد ايه
ربنا يخلليهالي يا رب
وقالت لي انتي كنتي عايشه في المطبخ ده ازاي ؟؟؟
طبعا الوحده ما بتحسش بنفسها لان الموضوع بيجي وحده على وحده بدون ما تحس
بتتحول الى كارثه
وتلاقي المطبخ بأه ضيق
وما بأتيش عارفه تحطي الحاجه فين ما فيش اماكن
بس الحمد لله من وقتها وانا اتحسنت اوووووووي
ادعوا لمامتي الله يخلليكم هي السبب
وعقبالك يا ام البنين
حاسه بيكي لانك هتقدمي على الخطوه دي بنفسك
انا الحمد لله ماما ريحتني من الشعور الصعب ده
بس والله بجد اسمعي كلامي
بعدها هتفرحي اووووووووووووووووي بالنتيجه
حسيت بعدها اني بتنفس في المطبخ وانا مرتاحه
وكأن الحاجات دي كانت قاعده على قلبي
ياللا شدي حيلك يا قمر وتعالي قولي لنا النتيجه
ربنا يوفقك
ابتسمي

» يللا نضفو البيت قبل رمضان
» متحبيش شغل البيت ..........وكل لما تنضفى البيت ترجع ريما لعادتها القديمه
» اعملي ميداليه بأول حرف من اسمك بنفسك بطريقه سهله
» يللا نذاكر ونشجع بعض
» يللا نرحب بأختنا المبدعه "" منه """