حملة يللا ننضف أول بأول .......ونخللى البيت يتكلم من كتر النضافه

اقتباس :: وانا كنت نفس حالة ام البنين كده بس الموضوع خف عندي شويه بالصبر والمثابره
هههههههههههه

هههههههه والله أنت عسل وجنان خالص
أنا أهوه بحاول اقهر نفسى Very Happy

يا ترى انتى فين يا فراشة
دلوقتى
فى اى زنقة
واى اوضة
اوعى تتخبطى فى كركيبة ولا حاجة

مبدعة راقية

حلو جداااااا النشاط والحماس ده
أنا كمان معاكوا ويلا نتشجع مع بعض
أفكار رااائعة
مشكورين
فواصل 2

يللا يا بنات نكمل الحملة دى لغاية ما ترجع فراشة
انا هاقولكم
النهاردة قمت على الحمام قلبته
الاول غسلت الحوض من جوا ومن برة وما تنسيشى تغسلى الحنفيات
بعدكده غسلت الدش كويس اوى
وبعدين مسكت القعدة حطيت كلور فيها وجيت بفرشة الحمام وغسلته كويس من بره وجوه
بعد كده الكومبريشن >السفون <غسلته كويس وفضيت الميه جواه وغسلته
بعد كده مسكت مطبقية الحمام شلت بأه علب الشامبو والازايز الفاضيه اللى ما لهاش لازمة وارمى على الزبالة على طول
يستغيثوا يعيطو
ما ليش دعوة هيعيطوا شوية ويسكتو
ماشى يا ام البنين
بعد كده مسكت السيراميك ونزلت فيه بمقشة قديمة عندى عاملاها للسيراميك لانه بصراحة ما بحبش الفرشاة بتتعب ايدى
بعد كده غسلت الباب والشباك
بس كده
وعلى فكرة كل ده ما خدتش منى غير تقريبا نص ساعة
يللا
عملتو ايه

مبدعة راقية

أهلا بكن حبيباتى
اليوم الحمد لله غسلت الملابس
وقلت بالمرة أغسل الستاير
وكمان شيلت كل الأشياء اللى ما لهاش لزمة
من المطبخ ورميتها
وكمان نضفت الحمام تنضيف جيد جداااا
والحمد لله دلوقتى بأشكى من ضهرى ورجلى
بس النفسية مرتاحة بالنضافة

مبدعة غالية

وانا كمان بدأت النهارده الحمد لله حمله على الشقه كلها

وبدأتها بالمطبخ بس لسه ما كملتوش

اصلي بعمل شغل بضمير اوي يعني المطبخ بكل الزخانيق اللي فيه

لما اخلص ان شاء الله هحكيلكم بالتفصيل

بس فين فراشه بأه ؟؟؟

لو ما جتش تكمل معانا وتشجعنا

هروح اكتب في حملتي بأه بدل ما اقعد اكلم نفسي هنا واصحاب البيت مش موجودين

شايفين التهديد Wink

مبدعة نشيطة

اقتباس :: والحمد لله دلوقتى بأشكى من ضهرى ورجلى
بس النفسية مرتاحة بالنضافة

الف سلامة عليكى يا احلى مشاعر

انا النهاردة ما عملتش حاجة
لانى كنت عند ماما
ورجعت
باطبخ عشان زوجى
بس بجد الحملة تشجع

اقتباس :: هروح اكتب في حملتي بأه بدل ما اقعد اكلم نفسي هنا واصحاب البيت مش موجودين

عندك ؛؛؛يا أم عبدالله والا هضرب النار فى المليان مش هتسيبى المكان يعنى مش هتسيبيه

يللا لفى براحه ولا حركه والا هضرب فى المليان

انا يا اختى والله من يوم ما قلبت الشقه مقلكوشس على الارهاق اللى عندى بس برده مش هتوب عن التنضيف ويا انا يا الشقه

معاكوا والله معاكو بس والله ظروف غصب عنى والله سامحوووووووووووووونى ومحدش يمشى والا هفرغ الفرفر ده فى المنتدى كله

وبعدين يعنى يا فراشة
خدناش ايه احنا
هتيجى تقولى عملت ايه
ولا ندور الفرفر
كمبيوتر

وبعدينا احنا اغلبية
قلت ايه ؟؟؟؟؟؟؟؟؟؟؟؟؟؟؟؟؟؟؟؟؟
غضب

مبدعة رائعة

يللا يا جماعة
انا مستعدة
وانا رايى يا ام عبدالله
اذا فراشة ما جتش
ابدأى حملتك
اوعى تزعلى يا فوفو
انا بجد عايزة حد يحمسنى

عايزه تشجيع يا ام العيال

طب خدى عندك

واجب النهارده يا مبدعات

تنضيف المطبخ العادى وعسيل المواعين العادى

وترويق الشقه بس بضمير شويه مش تغوصى أوى فيها بس لو انتى منضفاها اول باول مش هتغلبك

وبعد ما تخلصى تنضيف بقه هقولكم جوزى بيموت فى البيت اول ما بيدخلبه ازاى

بيحس كانه داخل محل عطور

فى برفان بيتباع فرط عند العطور اشتريت منه 3 سم بتلاته جنيه عباره عن زيت برفات كده مركز جدا وبعدين كان عندى ازازه ملمع بخاخه فاضيه قمت حاطه البرفان فيها وضفته ايه بقه يا حلوين مايه من الحنفيه عمللى ازازه كبيره وقمت على السجاد برشه والانتريه وكل الصاله والستاير اللى فيها والله ريحة الشقه وانتى داخهل رووووووووووووعه مش مكتومهكده وتحسى انها مش متهويه لأأ رووووووعه
وبعدين برش ملايات السراير والبطاطين كمان بتخللى ريحة الأود روعه

المهم يا فرفوره انتى وهى متهربوش بقه من الواااااااااجب الاساسى اللى اتكلمت عنه ده العادى اللى بيتعمل كل يوم

نيجى بقه على اللى مش عادى

ان شاء الله النهارده غسيل التلاجه وطلعى اللى باظ فيها واللى مش محتاجاه وبالله عليكوا منتنسوش ترموا اللى فى التلاجه من برطمانان فيها بواقى بس شايلاها للزمن وللمجاعه ولا حاجه ضصدقينى انتى مش هتستخميها والاكياس اللى مربطه على فتافيت حاجات ارميها وخليها عليكى وقبل ده كله هتكونى فاصله الفريزر

علشان تسيحى التلج اللى جواه وتنضفيه وبعدين ترصى كل حاجه تانى
ومتنيش ترمى منه الاكياس الفاضيه اللى بتخلص من كتر تسحيب العيش وبتفضل مركم فى الفريزى ههههههههههههه ده أنا احم احم

ولو عندك حتة عضمايه كنت حايشاها للزمن بالله عليكى طلعيها صدقه للكلاب تحت البيت ينوبك ثواب صدقينى مش هتستخدميها وكل طبخه بتبقى عايزه تضيقيها للشوربه ومبيحصلش برده ده أنا احم احم

وبعدين بقه روقى التلاجه كلها من جوه بعد ما تغسليها بالصابون السايل بمايه وخل ولوفه بتاعة المواعين

وبعدين تنشفيها كويس وترصى الحاجات فيها بشياكه يا قمر انتى وهى

ومستنيه تفاعلكم من جديد

مبدعة رائعة

ايوة كده يا فوفو
عووووووووووووودى يا قمر
بس عايزة اضيف حاجة على التلاجة بما اننا هنضفها
كانت قالت لى عليها ام عبدالله
انك تجيبى فانيليا وتفضى كام كيس
فى التلاجة
واحد مثلا فى كل رف
ويا سلام على ريحة التلاجة
انا مجرباها روووووعه
كمان عايزة اقول لكم من ضمن الواجب بتاعنا اننا نفتح شبابيك الشقة نهويها
ده اتعلمه من مواضيع ماما مملكة
والحخمد لله مواظبة عليةه اوى فى يوم اجازتى
وحتى لو مش اجازتى
باهوى الشقة كلها بعد ما ارجع من الشغل
حاجة اخيرة
يا فوفو ما تقولى لنا اسم البرفان اللى جبت الاسنس بتاعه اسمه ايه

اقتباس :: بس عايزة اضيف حاجة على التلاجة بما اننا هنضفها
كانت قالت لى عليها ام عبدالله
انك تجيبى فانيليا وتفضى كام كيس
فى التلاجة

ده ما شاء الله فكره روعه واول مره أعرفها تسلمى انتى وام عبدالله

اقتباس :: كمان عايزة اقول لكم من ضمن الواجب بتاعنا اننا نفتح شبابيك الشقة نهويها
ده اتعلمه من مواضيع ماما مملكة

ده بقه يا أم العيال انا محافظه عليها زى عينيه عمرى مبحس بنضافة الشقه غير لما أشمسها بحس بهوا نقى وانى طايره فى البيت والبيت واااااااااسع وبقفل الشبابيك من أو الساعه 4 العصر واللى بقه عايز يقيس نفسيتى ويعرف انى مكتئبه لما يشوفنى مسكره الشبابيك

اقتباس :: يا فوفو ما تقولى لنا اسم البرفان اللى جبت الاسنس بتاعه اسمه ايه

بصى يا قمرايه البرفان هو كاسيليا حطيه وادعى لى وعيشى

فينك بقه يا ام عبدالله تقولى نفذتى الواجب ولالالالالالالالالالالالالالالالالا ؟؟؟؟

يللا كله يدى تمام التلاجه علشان ان شاء الله ندخل على حاجه تانيه وهى ان شاء الله الحماااااااااااام

مبدعة راقية

انا عايزه اسيب النت بقى
لازم اعمل الحمله زيكو
هابداء من الصفحه الاولى تانى

زهرة الياسمين كتب:: انا عايزه اسيب النت بقى
لازم اعمل الحمله زيكو
هابداء من الصفحه الاولى تانى

يا نهار أبيض ما شاء الله زهوره معانا فى الحمله منورانا يا قمرايه

يللا بقه شمرى وشدى حيلك احنا لسه بقول يا هادى

مبدعة رائعة

اقتباس :: للا كله يدى تمام التلاجه

انا بأه عذرى معايا لسه شايفة موضوع التلاجة دى دلوقتى
بس اوعدك
انى هاعملها بكرة اول حاجة

اقتباس :: انا عايزه اسيب النت بقى
لازم اعمل الحمله زيكو
هابداء من الصفحه الاولى تانى

اوك يا زهرتنا
بس ترجعى لنا تانى
وتقولى لنا عملتى ايه

مبدعة غالية

اقتباس :: بس عايزة اضيف حاجة على التلاجة بما اننا هنضفها
كانت قالت لى عليها ام عبدالله
انك تجيبى فانيليا وتفضى كام كيس
فى التلاجة

فعلا جربوها يا مبدعات
رووووووعه ما شاء الله لا قوة إلا بالله

ورد أحمر

اقتباس :: فينك بقه يا ام عبدالله تقولى نفذتى الواجب ولالالالالالالالالالالالالالالالالا ؟؟؟؟

لالالالالالالالالالالالالالالالالالا

What a Face

خبووووووووووني خبوووووووووني يا مبدعات study

معلشي يا أبله سماح المره دي

يا كثوووووفي Embarassed

بصي يا فراشتنا انا هقول لك انا ماعملتش التلاجه ليه؟؟؟

لان لسه في المطبخ بعمل حاجه حاجه لاني بعمل شغل عميييييق اوي
وكمان جنب شغل البيت العادي والاكل وغسيل المواعين

وبعدين انا طالعه من الشتا كانت درجة الحراره تحت الصفر

فكنت بدخل المطبخ اعمل الأكل واغسل المواعين وامسح البتاجاز بسرعه كده اي كلام واطلع اجري

لما في آخر الشتا كنت بعدي على المطبخ ابص له واقول مطبخ مين ده ؟؟؟ Suspect

المهم يا قمر هديكم التقرير المفصل عن المطبخ في المشاركه اللي جايه ان شاء الله

علشان اعرفك اني بذاكر بردو مش مطنشه تنظيف

اقتباس :: يللا كله يدى تمام التلاجه علشان ان شاء الله ندخل على حاجه تانيه وهى ان شاء الله الحماااااااااااام

لالالالالالالالالالالالالا

اوعي تدخلي الحمام

استني بأه لما نخلص كلنا علشان ما نتفركش من بعض

انتي عارفه ماما مملكه كنا بناخد معاها اسبوع نعمل في المطبخ

المطبخ ده نجم البيت

ولما بينضف بتحسي البيت كله نضف

وكمان بيبأه في شغل كتير ضلف وادراج وشباك وشفاط وتربو وبوتاجاز واجهزه كهربائيه ورخام وسيراميك وحاجات كتير

وبعدين استني شويه لما ناخد زهره الياسمين معانا علشان بعد كده ما فيش وحده تتاخر خالص

وكمان انا مش عارفه هعرف اعمل التلاجه النهارده ولا ايه

لاني ان شاء الله يمكن اروح النهارده اشتري خزين البيت
علشان احنا عندنا المحلات بعييييييده اوووووي عن البيوت
فلازم نشتري طلبات تكفينا فتره علشان زوجي كمان ما بيفضاش

ادعي لي بأه ربنا يسهل

وشدي حيلك يا زهرة الياسمين

ياللا حصلينا يا قمر

مبدعة راقية

اوكى يا أم عبدالله أنا معاكى أنا كان قصدى نسخن الأول ناخد الأهم فى البيت الحمام التلاجه الحاجات اللى عليها استخدام دايما

بس معاكى حق فعلا نخلص حاجه حاجه

يللا يا أم عبدالله شكملك كده هتكون الليدر بتاع الحمله ما شاء الله عليكى أفكارك منظمه

يللا مستنين جمال مطبخك

أنا جيت ياحلوين

هكممممممممممل معاكم

أوى تسبووووووووونى Rolling Eyes

من يوم ماعملتى الحملة يافراشة كنت بكل حماااااسى

ودخلت على المطبخ.....نضفت السيراميك

وغسلت الخلاط ....وروقت الظاهر من المطبخ ..الادوات الظاهرة المكركبة الدنيا

وبعديهم المواعين

وروقت الشقة ككل فى يوم تاااانى

ونمت على كده خخخخخخخخخخخخخ

فوقوووووووونى يلا

واهوه هفوق معاكم حملة يللا ننضف أول بأول .......ونخللى البيت يتكلم من كتر النضافه - صفحة 2 2402510196

حملة يللا ننضف أول بأول .......ونخللى البيت يتكلم من كتر النضافه - صفحة 2 2402510196

وإن شاء الله أعمل التلاجة معاكم وأقولكم لما اخلص علشان نكمل مع بعض

حملة يللا ننضف أول بأول .......ونخللى البيت يتكلم من كتر النضافه - صفحة 2 1577426904

اقتباس :: وإن شاء الله أعمل التلاجة معاكم وأقولكم لما اخلص علشان نكمل مع بعض

يللا يا قمرايه ان شاء الله كلنا معاكى حماس من جديد

يا أم البنين اذا كان الايمان نفسه بيزيد وينقص

فحبنا للتنضيف مش هيقل ويزيد برده

المهم نحاول نفوق قبل الشقه ما تضرب فى بعضها هههههه

مبدعة راقية

بصراحه كل يوم فى حاجه تمنعنى من الحمله الكامله
فى النهايه بترسى على ترويق حته صغيره بس طبعا فى غسيل وطبيخ وغسيل مواعين ومرواح الشغل ووووووووووووووووووووووووو
ادعولى يمكن افضى
اقلب الدنيا

اقتباس :: غسيل وطبيخ وغسيل مواعين ومرواح الشغل ووووووووووووووووووووووووو
ادعولى يمكن افضى
اقلب الدنيا

أنا زيك تمام يا زهره بس بحاول وبصراحه بضغط على نفسى جامد بس بعد كده بتكون نفسيتى مرتاحه أوى لما بشوف البيت بيلعلع من النضافه والريحه الحلوه وخاصه مطبخى

مبدعة غالية

طيب علشان المبدعتين زهرة الياسمين وفراشة المنتدى

انا نزلت جدول تنظيف البيت للموظفات اللي عملاه ماما مملكه

ربنا ينفعكم بيه يا رب

حبيت اساعدكم يا مبدعات

الرابط اهوه يا قمرات

https://akhawat.ahlamontada.com/t2509-topic#22636

مبدعة غالية

حملة يللا ننضف أول بأول .......ونخللى البيت يتكلم من كتر النضافه - صفحة 2 1210638217

أظن يا مبدعات أني سأدخل معكم في الحمله

فمع أني لست موظفه لكني ضاعت مني الموازين بعض الشئ

منذ أن دخلت معكم في المنتدى لكن

مع حماسكم هذا سأنظم وقتي
نبين البيت والمنتدى

أدعولي

حملة يللا ننضف أول بأول .......ونخللى البيت يتكلم من كتر النضافه - صفحة 2 Ejhjup07040648

حملة يللا ننضف أول بأول .......ونخللى البيت يتكلم من كتر النضافه - صفحة 2 Ejhjup07040648

حملة يللا ننضف أول بأول .......ونخللى البيت يتكلم من كتر النضافه - صفحة 2 Move40ol7

» يللا نضفو البيت قبل رمضان
» متحبيش شغل البيت ..........وكل لما تنضفى البيت ترجع ريما لعادتها القديمه
» اعملي ميداليه بأول حرف من اسمك بنفسك بطريقه سهله
» يللا نذاكر ونشجع بعض
» يللا نرحب بأختنا المبدعه "" منه """