للمتزوجات المجروحات الغافلات ... شوفي نصرة ربي لي بعد صراع دام ست سنوات

اقتباس :: زوجي في هذيك الفتره ما كان معترف بي نهائيا ولا تسالوني كيف تحملتي

والله بدى اسأل ها السؤال

اقتباس :: قال ما تدرين هالصيف وراي عرس

[quote]
بجاحه واستفزاز ما فيش بعد كده
ربنا يسامحه

اقتباس :: قالت انزلي تحت ضرتك تحت ...
قلت اوكي بلبس وبنزل

هو فيه كده
ازاى بتتحملى كل ده
ما شاء الله على صبرها

اقتباس :: فلان يقول ما فيه مثلك في هالدنيا حرمه وانا سالته ما دام ما في مثلها حرمه ليش تتزوج عليها
قال خليني احتفظ بالسبب لنفسي

امال فيه ايه يا عم
بتحل مشكلة العنوسه مثلا
بس يا ريت ما تحتفظ بالسبب كتير
بدنا نعرفه الله يخليك

مبدعة غالية

فعلا يا مسلمه وانا بقرأ القصه كان فيه تساؤلات كتير في دماغي

لكن سبحان الله الشخصيات بتختلف

هكمل دلوقتي إن شاء الله

مبدعة غالية

(11)

قالت انتي وعدتيني انك تسامحيني
قلت لها وعدتك
قالت احلفي
قلت بتتكلمين ولا لا
قالت احلفي
قلت ما راح احلف
بكت وترجتني
قلت يا بنت الناس حيرتيني معك شو سالفتك بالله عليك ...
قالت تعرفين انه سبب مشاكلك مع عمتي انا السبب فيها
قلت ادري
انصدمة من ردي
قالت تدرين
قلت ايوه ادري وادري انك كنتي تزنين على راسها علشان تزوج زوجي وانتي الي تخليها تهاوشني وانه منع الخدامات بامر منك وحتى عزومة العروس للبيت كانت من تدبيرك علشان انقهر
وقالت ليش ما كنتي تتكلمين
قلت ماله داعي
ادري انه ربي بينصرني على من ظلمني وليش انا ادافع عن نفسي وعندي ربي ما راح ينساني ...
قالت بخبرك شئ ولازم تعرفيه عمتي حاطه براس زوجك انك انسانه مو مريحته
قلت ومن مريحه
قالت هي كانت يوميا تقول له زوجتك مو بنت ولو تبي تتاكد تزوج بنت وبتكتشف انها كانت مو عذراء
ابتسمت لها وقلت جزاء الله الف خير وانتي انا مسامحتك دنيا واخره وما كنت اتمنى ابدا انه زوجك يتزوج عليك ولكن قولي قدر الله وما شاء فعل ...
وام زوجي كل افعالها مسموحه فيها الا هذي الكلمه ابيها تتحمل وزرها علشان تعرف ترمي المحصنات الغافلات الحافظات لفروجهن
ورحت توضيت وصليت ركعتين استخاره ورحت لزوجي لقيته منسدح بغرفة التلفزيون تحت
سكرت التلفزيون وقلت له فلان
قال نعم
قلت كم جبت لك عيال
قال هاتي من الاخر
قالت من الاخر هذولا مو عيالك ما دري كيف وقف
انا شفته طب واقف وسكر الباب بقوه وسحبني من يدي لعنده شو تقولين
فكيت يده منه بقوه
قلت الي سمعته
وقال تقولينها بكل وقاحه
قلت ايوه اقولها بكل وقاحه هالعيال عيال امك مو عيالك لاني يوم تزوجة الظاهر والله اعلم انه امك كانت داخله علي مو انت
سكت تجمد وجهه من قوة الفشيله
قلت الظاهر انك يا اهبل ولا تستهبل انت ماخذ ثنتين مو وحده لو ما كنت انا العذراء فاكيد الثانيه كانت العذراء الشريفه واكيد كنت بتعرف من فينا الطاهر يا طاهر
عموما الكلام واقف ولنا وقفه عند ابوي وللاسف راح ابوي قبل لا اخبره هالموضوع
مات الله يرحمه في نفس اليوم المساء الله يغفر له ويرحمه ورحت لبيت اهلي جلست مع امي فترة الحداد كامله وما كان بيننا اي نوع من انواع الاتصال كان يجي يزور امي وكنت اطلع لما يجي يزورها ...
طيلة هذيك الفتره كنت افكر ارجع له ولا اطلب الطلاق واريح نفسي
جيت جلست عند امي خبرتها بالموضوع بعد ما خلصت عدتها
قالت امي ما عليك منها يا بنتي بيتك عيالك لا تنسين عنك خمس عيال ومحتاجينك
قلت وانا والاهانه والجرح
قالت ربي بيعوض صبرك خير صدقيني
قلت امي تعبت صدقيني من كل يوم يبي حرمه وانا لليوم ادور معنى كلمة حرمه وما فهمتها
قالت وانتي شو مو حرمه وهي تضحك
قلت والله هذا الي اعرفه
قالت انتي من قال لك انه زوجك يبي حرمه
قلت ابوي الله يرحمه
وجهه امي صار بهذا الشكل
وقالت وانتي جلستي تدورين المعنى
قلت ايوه
قالت المعنى الرجال يبي يحس بوجود زوجته بفراشه يبي يحس انه الي عنده حرمه
قلت اهاااا
قلت زين الحين فهمت ورحت لغرفة اخواتي لقيت اخواتي المتزوجات
وقلت لها ممكن سؤال؟ كيف الرجال يبي يحس بزوجته انها عنده بالفراش
جلسن يضحكن علي وقالوا اني لليوم ما عرفتي
قلت لو كنت اعرف ما كان زوجي كل يوم يركض يبي زواج ...
واخذت درس محترم من اخواتي وفهمت المطلوب ...
وجا زوجي وقال يلا بنروح للبيت
قلت زين ركبت انا وعيالي للسياره وانا اشوف الطريق مو هو طريق بيت اهله
قلت لوين رايحين
قال للبيت
قلت اي بيت
قال البيت
سكتت عنه قال هذا للحين يستهبل ...
وقفت سيارتنا قدام بيت غير بيت اهله
قلت بيت من هذا
قال بيتك الي ابوك الله يرحمه شرطه علي وهذا انا جبته لك
وهنيه اكتفي بهذا القدر عن حياتي واقولكم انا الحمد لله سعيده ومرتاحه اللهم لك الحمد ...

.
.
.
اخواتي
الزوج لما يتزوج ما كان يبي ديكور اضافي لبيته ولا شغاله ولا غساله كان يبي انثى بكل ما تحمله هذه الكلمه من معان ...
انا ما كنت اعرف امور كثيره وتعلمتها لانه لازم اتعلمها ما اقول امي قصرت لكن امي جعلها مع خوفي كمل الموضوع زين ...
تعلمت فنون كثيره نفعتي بحياتي الزوجيه صح جات متاخره لكن لعل هذه حكمة من ربي علشان نعيش حياتنا اكثر سعاده ...
الحياه الزوجيه بتشوفين فيها كثير واول نصيحه واهم نصيحه
لا تتركين بيتك لاي سبب اجلسي واصبري وتحملي
ما دام زوجك مو مسبب لك اذيه باليد اوشرب المنكرات ...
الثانيه اهتمي بصحتك بتنفعك ... بصحتك بتكونين حرمه بكل قوتها بصحتك بتنفعين عيالك وبصحتك بتقومين لعبادتك...
الثالثه اقري وتثقفي بامور الحياه الزوجيه ولا تتوانين تستشيرين احد من المختصين لانه هذا زواج ويبي ناس فاهمه تساعد لا تتخبطين يمين يسار...
الرابعه الزوج انسان له احساسه ومشاعره مو تقومين تجيبين لك درزن عيال ولا نص درزن وبعدين تقولين يالله اقوم اربي عيالي الحين وهو براحته انا بفضى له ولا لعياله ...العيال بيكبرون وبيتزوجون وبينسونك مثل ما نسينا اهلنا وعشنا ببيوتنا وما نذكرهم الا بالاتصال او الزياره ... اما هو رفيق الدرب وانيس الوحده تقربي منه بالاسلوب اللطيف والكلمات الرائعه لا تدخري اي كلمه تعرفينها اغرقيه بحنان وحبه وبتشوفين كيف بيذوب بين يدينك وان حسيت في احد يبي يخطفه منك كثفي الحنان جرعه زياده وشغلي مكر النساء لا تنسين تفكرين بعقل ولا تخطين اي خطوه الا وانتي دارسه نتائجها...
الخامسه سامحيه سامحيه سامحيه على كل زلاته ولا اتركيه وروحي لبيت اهلك ما دام قلبك مملوء بالبغضاء عليه ...
السادسه حبي زوجك بشكله وطباعه ولونه هذا نصيبك وارضي به ما دام هو قايم بما يرضي الله ما عليك من الباقي واعتبري الباقي ابتلاء من ربك واصبري...

السابعه وهذي سر قربن بقولها لكن تدرين انه ملامح وجهك تبين له اذا كنتي تحبينه ولا لا من نظرت عيونك واشراقة ابتسامتك وصوتك وحتى بضحكتك

وفي الاخير سامحوني وان شاء الله لما ارجع اكتب لكم الي اختي كاتبته في دفترها والي انا لقطته من هنا وهناك

نشوفكم على خير

*** عارفة إنكم إتجننتم من الكلمة دي بس علشان أضمن وجودكم معايا هقولكم ... يتبع إن شاءالله ***

الله يسلم صاحبة هذى القصة
ويوفقها بحياتها
ويصلح لها زوجها
فعلا اتعلمنا منها اشياء كثيرة
ولقفتت نظرنا لاشياء مهمه ما كنت اخد بالى منها
الله يسلمك انتى كمان ام عبدالله
ويصلح لك حالك وزوجك
انك نقلتى لينا هذى القصة الرائعه
واكيد احنا منتظرين
وطمنيتينا كتييييير
لما قلتى يتبع ان شاء الله