ليه أطفالنا بيغضبوا.. وأزاى نتخلص منه؟؟ تعالى شوفى...

يعنى أيه الولد غضبان ومتنرفز؟؟؟

أولا  الغضب هو أنفعال له درجات متفاوته ...يعنى ايه؟؟؟
يعنى فيه غضب بسيط ...زى النرفزة والضيق
وغضب شديد .... زى التكسير والتقطيع والعنف  والصراخ والهيجان الشديد

والتعبير عنها بيكون إما حركى أو لفظى أو  عدوانى صعب نسيطر عليه

أيه أنواعه ...

1- الغضب السلبــــــــى
يعنى الطفل مثلا يظهر رد فعله
لمايغضب على شكل انطــــواء وأنسحاب ويكبت مشاعره
ويظهر رفض لحاجات تانيه زى الطعام او الخروج مع الابويين
أويرفض النزول للمدرسة وده بيظهر عند الاطفال المنطويين بطبيعتهم


2-الغضب الايجابى
هواسمه ايجابى  علشان فيه ردود  فعل مباشرة فيها مبادرة و حركة لكن هو كله تخريب
يعنى الطفل يكسر ويرفس ويصرخ بصوت عالى
او يخرب اى حاجة يمسكها وده بيظهر فى الاطفال المنبسطين






طب امتى الطفل يظهر عليه الغضب ده؟؟؟

طبعا معروفة عند كل الأمهات ..
أنها لما طفلها بيقابل مشكلة أوعائق مش عارف يعديه
أو ينجح فيه  سواء مع الام او الاب او الاخوة  او الاصدقاء


وتلخيص  الاسباب كالآتى:
*إجبار الطفل على عمل هو مش عاوز يعمله :
زى انزل دلوقتى اشترى كذا من عند البائع مثلا وهو مش عايز،
أو روح رتب فرشتك دلوقتى حالا

*كتر الاوامر واستمرارها :
وده بيساعد على عمل
ضغط بيتراكم لحد ماينفجر غضبان
زى الأم لما تمنع طفلها من أكل الحلويات كتيروتكون الحلوى ادامه
وهو عاوز ياكلها  منها كتيربس مش طايلها أو منعه عدة مرات من ارتداء لبس معين
،يعنى اعاقة اى حرية للطفل او أى أمثلة شبيهة ،فيغضب الطفل

 *تحميله فوق طاقته وبعدبن نلومه على تقصيره!!! .......:ازاى؟
زى ما الامهات بتجبر اطفالها على أداء واجبات اضافية (تحضير واجبات أضافية جديدة مش مطلوبه أصلا منه)ده ممكن يحبط الطفل

*ضياع لعب بيحبها او حد يكسرها له من أخواته

* التدليل الزائد:
الطفل المدلل اللى كل رغباته مجابة :لومره من المرات ماحدش لبى طلبه من الابوين يدخل فى نوبة غضب وصراخ

*القسوة الشديدة:
والحرمان من تلبية الرغبات من الامور الاساسية اللى تغضب الطفل

*تناقض الأوامـــــــر:الأم لها موقف سلبى تجاه فعل الأبن والأب العكس واخد موقف أيجابى من الطفل
*حرمان الطفل من الأهتمام والرعاية: من الكبار المحيطين بيه (ودى نقطة هــــــامة لازم نتبه لها كلنا )جدا
* لو فشل فى دراسته أو فى الأمتحان :فطبعا لوم شديد من الأبوين ونقد وكل ده كفيل بأغضاب الطفل





السؤال المهم .....

أزاى نسيطر على غضب الأطفـــــال؟؟؟
وطبعا كلمة(نسيطر )علشان مفيش حاجة اسمها أختفاء تام للغضب بس بنتحكم فيه



1 -أجتهاد الام فى أزالة كل  اللى ممكن يزعج طفلها
ويدخله فى نوبة غضب قدر
المستطاع خاصة المتعلقة
بالأوامر الكتير واللى
تفوق طاقته وأحتسبى صبرك عليه عندالله

2 -أحتفظى بهدوئك لما طفلك يثور وبطلى
ارجوكى الصراخ والهيجان فى وشه
،أتحكمى فى ثورتك هتعرفى تفكرى
وهتكسبى كتير وده عن تجربه

3 -خصصى وقت .......لأيه؟
للعب مع طفلك
وخففى من الصرامة  اللى بتفرضيها
على طفلك فى مواعيد النوم والواجب
يعنى مش لازم الدقة دى أوى فى المواعيد


4 -انت والاب اتحدوا فى أوامركم
للطفل وتتفقوا على ردود أفعالكم معاه


5 -عدم نبش الطفل واستفزازه سواء من الابوين
او الاخوة بقصد الفرفشة والضحك أو أزلاله وتخويفه

6 - ساعديه على اللعب وممارسة
النشاطات والهوايات المختلفة  وده هيساعد
على التفريغ لأن المحروم من اللعب بيكون طفل غضوب



7 -سيبى طفلك وماتأيديش حريته وتجبريه على طاعتك
بدون مايكون مقتنع بالفعل ده لكن حاولى تحاوريه الأول وسيبى له متنفس للرفض


8 -كافئ طفلك لما ينجز عمل(هدية او مديـــح)  

والله يا فراشة نفس مشكلتى فى الاولاد وبعانى منها يوميا ، بس فعلا أحنا اللى بنصنع 50% من عصبية أطفالنا

موضوع رااااائع جدااااااااا
أشكرك أم البنين على هذا الموضوع المفيد

اقتباس :

الغضب الايجابى
هواسمه ايجابى علشان فيه ردود فعل مباشرة فيها مبادرة و حركة لكن هو كله تخريب
يعنى الطفل يكسر ويرفس ويصرخ بصوت عالى
او يخرب اى حاجة يمسكها وده بيظهر فى الاطفال المنبسطين

[img][/img]

انا عندي المشكله دي ......الله يعينا

بس مشكوره على الجهود ...افدتينا
بارك الله فيكي

جزاك الله خيرا اختي الكريمه